ونەرىمىزدىڭ ءورىسىن كەڭگە جايىپ, ەلىمىزدىڭ توڭىرەگى عانا ەمەس, مۇحيت اسىپ ۇلتتىق مۋزىكامىزدى كورسەتۋگە تاماشا مۇمكىندىك تۋدى. الەم جۇرتشىلىعى قازاق ەلىن تابيعي رەسۋرسى باي مەملەكەت قانا ەمەس, مادەنيەتى مەن تاريحى دا تاعىلىمدى ۇلت رەتىندە تانىپ, ونەرىمىزگە تاڭداي قاعا قول سوعىستى. مۇنىڭ بارلىعى الەم ەلدەرى مەن قازاقستاننىڭ اراسىنداعى مىزعىماس بەرىك دوستىق قارىم-قاتىناستى ورناتا بىلگەن اسا قادىرمەندى ەلباسىمىزدىڭ ۇلت كەلەشەگى ءۇشىن جۇمساعان قاجىر-قايرات, ەسەپسىز توككەن ماڭدايتەرى – ەڭبەگىنىڭ جەمىسى دەپ بىلەمىز.
ناۋرىز ايىندا نۇرسۇلتان ءابىش ۇلىنىڭ پرەزيدەنت لاۋازىمىنان ءوز ەركىمەن باس تارتىپ, وكىلەتتىگىن توقتاتۋ ءجونىندە شەشىم قابىلداۋى – مەملەكەتىمىز ءۇشىن الدا ۇلكەن سىن مەن جاۋاپكەرشىلىككە تولى كەزەڭنىڭ كۇتىپ تۇرعانىن ءمالىم ەتكەن بولاتىن. ول – جاڭا مەملەكەت باسشىسىن سايلاۋ. وسىعان وراي مەملەكەت باسشىسى قاسىم-جومارت توقاەۆتىڭ 2019 جىلدىڭ 9 ساۋىرىندە قازاقستان حالقىنا ۇندەۋىندە پرەزيدەنت سايلاۋىن مەزگىلىنەن بۇرىن وتكىزۋ تۋرالى شەشىمىن قولدايمىز.
ەلىمىزدىڭ ەرتەڭىنە ۇلكەن جاۋاپكەرشىلىكپەن قاراپ, كەلەشەگىن الىستان بولجاي بىلەتىن كەمەل ازامات قاسىم-جومارت كەمەل ۇلىنىڭ بۇل شەشىمى وتانىمىزداعى تۇراقتىلىقتى ساقتاپ قالۋ ءۇشىن جانە بەيبىتشىلىك پەن باقىتتى بولاشاق ءۇشىن جاسالعان تاريحي شەشىم دەپ ويلايمىن.
نۇرعيسا داۋەشوۆ,
قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترىنىڭ ديرەكتورى
