سىرتقى ساياسي باعىتىندا قويىلعان مىندەتتەردى ىسكە اسىرۋ ماقساتىندا سىرتقى ىستەر مينيسترلىگى ەلدىڭ مادەني مۇراسىن تانىستىرۋ, شەت ەلدەردە قازاق ءتىلىن دارىپتەۋ, شەتەل جۋرناليستەرىنىڭ ءباسپاسوز تۋرلارىن جانە ت. ب. شارالاردى ۇيىمداستىرۋ جونىندە جۇيەلى جۇمىس جۇرگىزۋدە. وسىنداي جوبالاردىڭ ءبىرى Kitap.kz ونلاين-كىتاپحاناسىندا ارنايى ءبولىم قۇرىلىپ, وندا كەز كەلگەن ۋاقىتتا الەمنىڭ ءتۇرلى تىلدەرىنە اۋدارىلعان قازاق ادەبيەتىنىڭ تسيفرلانعان تۋىندىلارى جاريالانعان. قازىرگى ۋاقىتتا سايتتا 18 شەت تىلىندە 64 كىتاپ ورنالاستىرىلعان. ونلاين-كىتاپحانانىڭ جۇمىس ىستەۋى قازاقستاندىق مادەنيەتكە دەگەن قىزىعۋشىلىقتى ارتتىرۋ ءۇشىن جاقسى دەمەۋ بولدى. سايتتى مازمۇندى تولتىرۋ بويىنشا جۇمىس جالعاسۋدا.
مىندەت تەك بىزدە بار ەكەنىن كورسەتۋ عانا ەمەس, سونداي-اق شەتەلدىك جۇرتشىلىق ەلىمىزدىڭ باي مادەنيەتىمىزدىڭ قازىرگى زامانعى جاعدايىن قالاي باعالايتىنىن ءتۇسىنۋ, شىن مانىندە الەمدىك نارىقتا سۇرانىسقا يە بولاتىنىن انىقتاۋ بولىپ تابىلادى. جوبانىڭ ماقساتى - قازاقستان مادەنيەتىن الەمدىك ارەنادا ىلگەرىلەتۋ, ونىڭ تانىمالدىعىن ارتتىرۋ جانە ودان ءارى دامىتۋ ءۇشىن جاڭا كوكجيەكتەر اشۋ بولىپ تابىلادى.
باي تاريح پەن قازىرگى مادەني الەۋەتتىڭ جوعارى دەڭگەيى قازاقستاننىڭ وڭ ءيميدجىن قالىپتاستىرۋدىڭ جەتەكشى فاكتورلارىنىڭ ءبىرى بولۋعا ءتيىس.
