ەكسپەديتسيا «سۇڭقار» تالىمباعى مەن «ەفەس قازاقستان» كومپانياسىنىڭ قولداۋىمەن ءجۇزەگە اسىرىلىپ كەلە جاتقان «ۇلەسىڭدى قوس. تابيعاتتى امان ساقتاپ قال» اتتى جوبانىڭ ارالىق قورىتىندىسىن شىعارۋدى كوزدەيدى. وسى كەزەڭ ىشىندە «سۇڭقار» ءتالىمباعىندا 25 بۇركىت بالاپانى ءوسىرىلىپ, تابيعات اياسىنا جىبەرىلدى.
ورنيتولوگ سەرگەي شمىگالەۆ, كومەكشى-جۇرگىزۋشى ۆلاديمير يساەنكو جانە ەكىنشى جۇرگىزۋشى يگور سۆاستين سىندى «سۇڭقار» تالىمباعى ماماندارىنان قۇرالعان كوماندا ارنايى كەرەك-جاراقتارىمەن جانە GPS-ناۆيگاتسيامەن جابدىقتالىپ, مەجەلەنگەن باعدار بويىنشا ەكى جول تالعامايتىن كولىكپەن ساپارعا اتتاندى.
بۇركىتتەر 5-6 جىلدان كەيىن كوبەيە باستايدى. ءبىز 2013 جىلدان بەرى تابيعات اياسىنا جىبەرىلگەن ءبۇركىتتەردىڭ مەكەنىنە بارىپ قايتامىز. بۇل الماتى وبلىسى, جوڭعار
الاتاۋىنىڭ سىلەمدەرى – ارقارلى جانە مالايسارى تاۋ قىرقاسى, ىلە الاتاۋى – ۇلكەن جانە كىشى بۇعىتى, تورايعىر, سوگەتى, شارىننىڭ جوعارعى جاعى», – دەيدى توپ جەتەكشىسى سەرگەي شمىگالەۆ.
