زامان تالابى
سەنبى, 12 مامىر 2012 7:56
مەملەكەتىمىزدىڭ تاريحىندا العاش رەت جۇرگىزىلگەلى وتىرعان قۇقىق قورعاۋ ورگاندارىنىڭ جاڭا كادرلىق الەۋەتىن قالىپتاستىرۋ جونىندەگى كەڭ اۋقىمدى ءىس-شارا باستالىپ كەتتى. وسىنداي كەڭ اۋقىمدى ءىس-شاراعا دايىندىق جۇمىستارى رەتىندە شەتەلدىك مەملەكەتتەردىڭ تاجىريبەلەرى جان-جاقتى زەرتتەلگەن بولاتىن. ماسەلەن, 2010 جىلى ۇلىبريتانيادا قۇقىق قورعاۋ ورگاندارى قىزمەتىن وڭتايلاندىرۋعا باعىتتالعان «الەۋمەتتىك جاۋاپكەرشىلىك جانە پوليتسيانى رەفورمالاۋ تۋرالى» زاڭ قابىلداندى. ناتيجەسىندە, 2011 جىلى ۇلىبريتانيا پوليتسياسى 3,2 پايىزعا قىسقارعان. پولشادا قۇقىق قورعاۋ جۇيەسىنە رەفورمالار جۇرگىزۋ ناتيجەسىندە پولشا پوليتسياسى قىزمەتىنىڭ تيىمدىلىگىن ايتارلىقتاي ارتتىرۋدىڭ ءساتى ءتۇستى.
سەنبى, 12 مامىر 2012 7:56
مەملەكەتىمىزدىڭ تاريحىندا العاش رەت جۇرگىزىلگەلى وتىرعان قۇقىق قورعاۋ ورگاندارىنىڭ جاڭا كادرلىق الەۋەتىن قالىپتاستىرۋ جونىندەگى كەڭ اۋقىمدى ءىس-شارا باستالىپ كەتتى. وسىنداي كەڭ اۋقىمدى ءىس-شاراعا دايىندىق جۇمىستارى رەتىندە شەتەلدىك مەملەكەتتەردىڭ تاجىريبەلەرى جان-جاقتى زەرتتەلگەن بولاتىن. ماسەلەن, 2010 جىلى ۇلىبريتانيادا قۇقىق قورعاۋ ورگاندارى قىزمەتىن وڭتايلاندىرۋعا باعىتتالعان «الەۋمەتتىك جاۋاپكەرشىلىك جانە پوليتسيانى رەفورمالاۋ تۋرالى» زاڭ قابىلداندى. ناتيجەسىندە, 2011 جىلى ۇلىبريتانيا پوليتسياسى 3,2 پايىزعا قىسقارعان. پولشادا قۇقىق قورعاۋ جۇيەسىنە رەفورمالار جۇرگىزۋ ناتيجەسىندە پولشا پوليتسياسى قىزمەتىنىڭ تيىمدىلىگىن ايتارلىقتاي ارتتىرۋدىڭ ءساتى ءتۇستى.
كورشىلەس رەسەي فەدەراتسياسىنىڭ قۇقىق قورعاۋ جۇيەسىن رەفورمالاۋ جۇمىستارى 2010 جىلدان بەرى جۇرگىزىلىپ كەلەدى. ءجۇرگىزىلىپ جاتقان جۇمىستاردىڭ ستراتەگيالىق باعىتى «پوليتسيا تۋرالى» فەدەرالدىق زاڭدا بەكىتىلگەن. اتالعان زاڭنامالىق اكت شەڭبەرىندە 2011 جىلدىڭ 1 ناۋرىزىنان 1 تامىزىنا دەيىنگى كەزەڭدە رەسەي ءىىم-ءنىڭ بارلىق قىزمەتكەرلەرى كەزەكتەن تىس قايتا اتتەستاتتاۋدان ءوتتى, سونىڭ ءناتيجەسىندە, ءىىم ورگاندارىنان 226900 ادام جۇمىستان شىعارىلدى, ول جالپى ساننىڭ 22 پايىزىن قۇرايدى. رەسەيلىك تاۋەلسىز ساراپشىلاردىڭ پايىمداۋلارىنشا, بۇل شارا ءىىم-ءنىڭ كادرلىق قۇرامىن ايتارلىقتاي قىسقارتۋعا جانە وزگەرتۋگە جاعداي جاسادى, قۇقىق قورعاۋ جۇيەسىن, اسىرەسە, ونىڭ باسقارۋشى قۇرامىن ەلەۋلى تۇردە قايتا قۇرىلىمداۋ جۇزەگە استى, ال ول سىبايلاس جەمقورلىقتىڭ ازايۋىنا كوپ كومەگىن تيگىزدى. الەمدىك تاجىريبە قۇقىق قورعاۋ جۇيەسى سياقتى ۇلكەن دە كۇردەلى مەملەكەتتىك جۇيەنىڭ قىزمەتىن ساپالىق وزگەرتۋ مەن تيىمدىلىگىن ارتتىرۋدىڭ تەز جانە بارلىق جەردە بىردەي جۇزەگە اسا بەرمەيتىنىن كورسەتىپ وتىر.
ءدال قازىرگى قازاقستانداعى قۇقىق قورعاۋ ورگاندارى قىزمەتكەرلەرىن اتتەستاتتاۋ ماقساتى – قۇقىق قورعاۋ ورگاندارى قىزمەتكەرلەرىن جاي عانا جۇمىستارىنان قىسقارتۋ ەمەس, جاڭا زامان تالابىنا ساي قۇقىق قورعاۋ ورگاندارى قىزمەتكەرلەرىنىڭ كاسىبي دايىندىق دەڭگەيىن جانە ءبىلىمىن انىقتاۋ, اتالعان ورگانداردى مورالدىق-ادامگەرشىلىك قاسيەتتەرى تومەن جانە جەمقورلىق ارەكەتى ارقىلى جالپى, مەملەكەتتىڭ بەدەلىن تۇسىرەتىن بىلىكسىز قىزمەتكەرلەردەن تازارتۋ بولىپ تابىلادى. ورگانداردى بۇتىندەي العاندا مەملەكەتتىڭ بەدەلىنە نۇقسان كەلتىرەتىن مورالدىق-ونەگەلىلىك ساپاسى تومەن جانە جەمقورلىق پيعىلداعى بىلىكسىز قىزمەتكەرلەردەن تازارتۋ دا ۇلكەن ماڭىزعا يە.
قازىرگى تاڭدا قۇقىق قورعاۋ ورگاندارى قىزمەتكەرلەرىنىڭ مورالدىق-ادامگەرشىلىك قاسيەتتەرى تومەن دەگەن پىكىر ءجيى ايتىلىپ كەلەدى. اسىرەسە, قاراپايىم حالىق تاراپىنان ارىز-شاعىم كوپ. وسىعان بايلانىستى, حالىقتىڭ قۇقىق قورعاۋ ورگاندارىنىڭ قىزمەتكەرلەرىنە دەگەن سەنىمىن قالپىنا كەلتىرۋ وتە ماڭىزدى. مىنە, قۇقىق قورعاۋ ورگاندارى قىزمەتكەرلەرىنىڭ جاپپاي اتتەستاتتاۋدان وتكىزۋدىڭ سىرى دا وسىندا بولسا كەرەك. ويتكەنى, قۇقىق قورعاۋ ورگاندارى باسشىلارىن, ءوڭىرلىك جانە اۋماقتىق مامانداردى كەزەكپەن تەكسەرىستەن ءوتكىزۋ بۇل ءىستىڭ جوعارى ناتيجەگە قول جەتكىزەتىنىنە كەپىلدىك بەرەدى دەگەن ۇمىتتەمىن. وسىعان وراي بۇل سارالاۋ, تارازىلاۋ بارىسىندا ادىلەتتىلىكتى باسشىلىققا الا وتىرىپ, كاسىبي ماماندار قۇقىنىڭ تاپتالماۋىنا, جەكە مۇددەلەرىنىڭ ەسكەرىلۋىنە ءبىرىنشى كەزەكتە ءمان بەرىلۋى كەرەك دەپ ەسەپتەيمىن.
باۋىرجان ومار,
قۇقىق-زاڭ ماگيسترى.
وڭتۇستىك قازاقستان وبلىسى.
