سىناققا سىن الدا
بەيسەنبى, 10 مامىر 2012 7:32
«تويدىڭ بولعانىنان بولادىسى قىزىق» دەگەندەي, كوپتەن جىرلانىپ اسىعا كۇتكەن كۇن دە تاياپ قالدى. ەندى قۇقىق قورعاۋ ورگاندارى قىزمەتكەرلەرىنىڭ اراسىنداعى شىن مانىندەگى ادال ادامدار انىقتالاتىن بولادى. ەلباسىنىڭ العا قويىپ وتىرعان تالابى سونداي. ول تالاپتى جوعارى اتتەستاتتاۋ كوميسسياسى جۇزەگە اسىرماق. دەمەك, ەل-جۇرتتى الداپ, بيلىكتى جەرگە قاراتىپ جۇرگەن ارامتاماق وزبىرلار مەن ەكىجۇزدىلەر, ار-ۇياتىن ساتقاندار, قولىن پاراعا بىلعاپ ءوزىن دە, وتباسىن دا ارام اسپەن تويىندىرعاندار ارادان الاستاتىلماق. ال وندايلاردىڭ از ەمەس ەكەنىن ەسكەرسەك, سارالاۋعا تۇسەتىن 110 مىڭ ادامنىڭ ءبىرازى قىزمەتىمەن قوشتاساتىنى انىق.
بەيسەنبى, 10 مامىر 2012 7:32
«تويدىڭ بولعانىنان بولادىسى قىزىق» دەگەندەي, كوپتەن جىرلانىپ اسىعا كۇتكەن كۇن دە تاياپ قالدى. ەندى قۇقىق قورعاۋ ورگاندارى قىزمەتكەرلەرىنىڭ اراسىنداعى شىن مانىندەگى ادال ادامدار انىقتالاتىن بولادى. ەلباسىنىڭ العا قويىپ وتىرعان تالابى سونداي. ول تالاپتى جوعارى اتتەستاتتاۋ كوميسسياسى جۇزەگە اسىرماق. دەمەك, ەل-جۇرتتى الداپ, بيلىكتى جەرگە قاراتىپ جۇرگەن ارامتاماق وزبىرلار مەن ەكىجۇزدىلەر, ار-ۇياتىن ساتقاندار, قولىن پاراعا بىلعاپ ءوزىن دە, وتباسىن دا ارام اسپەن تويىندىرعاندار ارادان الاستاتىلماق. ال وندايلاردىڭ از ەمەس ەكەنىن ەسكەرسەك, سارالاۋعا تۇسەتىن 110 مىڭ ادامنىڭ ءبىرازى قىزمەتىمەن قوشتاساتىنى انىق. سوعان وراي قۇقىق قورعاۋ ورگاندارى قاتارى, پرەزيدەنت جولداۋىندا ايتىلعانداي, ءمىنسىز قىزمەتكەرلەرمەن تولىعىپ, بۇدان بىلاي ارقايسىمىز دا تەك زاڭدى قۇقىمىزدىڭ قورعالاتىنىنا بەك سەنىمدى بولاتىنىمىز ءسوزسىز.
مەملەكەت باسشىسىنىڭ جولداۋىنداعى قۇقىق قورعاۋ ورگاندارى قىزمەتكەرلەرىن كادرلىق جاڭعىرتۋ تۋرالى تاپسىرمالارى مەن ولاردى كەزەكتەن تىس اتتەستاتتاۋ تۋرالى جارلىعى تەككە جاريالانباعانىن قازىر جۇرتتىڭ ءبارى بىلەدى. حالىقتىڭ قۇقىق قورعاۋ ورگاندارىنىڭ قىزمەتىنە سەنىمى ازايىپ بارادى. ولاردىڭ بىرقاتارى جۇرتتىڭ قۇقىن قورعاۋمەن ەمەس, وزدەرىنىڭ قۇلقىن قامىن قامداپ كەتتى. ءسويتىپ تالايى ۇستالدى, ءىستى بولدى, سوتتالدى. پرەزيدەنت اكىمشىلىگىنىڭ باسشىسى اسلان مۋسين ءوزىنىڭ «قۇقىق قورعاۋ ورگاندارىنىڭ جاڭا بەينەسى: تيىمدىلىك, ترانسپارەنتتىلىك جانە كاسىبيلىك» اتتى جاريالانىمىندا: «ءبۇگىندە قۇقىق قورعاۋ ورگاندارىنىڭ قىزمەتى ساپالى جاڭعىرتۋدى تالاپ ەتەدى. بۇل سالادا مەملەكەتتىڭ قۇقىقتىق دامۋىنا تەجەۋ كەلتىرەتىن بىرقاتار وبەكتيۆتى سەبەپتەر بار. بىرىنشىدەن, كوبىنە-كوپ قوعام قۇقىق ءتارتىبى ورگاندارىن كۇشتىك ينستيتۋتتار رەتىندە قابىلدايدى. ولاردىڭ جۇمىسىنداعى پروفيلاكتيكا كوپ جاعدايدا ەكىنشى كەزەكتە قالىپ جاتادى. ەكىنشىدەن, قۇقىق قورعاۋ ورگاندارى سىبايلاس جەمقورلىققا بەيىم. 2011 جىلى سىبايلاس جەمقورلىق قۇقىق بۇزۋشىلىق بارىنەن دە ىشكى ىستەر ورگاندارىندا ءجيى تىركەلگەن…», دەپ كەمشىلىكتەردى اتاپ-اتاپ كورسەتتى.
ال ەندى مۇنداي كورسەتكىش ادامدى قۋانتا قوياتىنداي جاعىمدى ءجايت ەمەس ەكەنى بەلگىلى. مۇنىڭ استارىندا تەك جەكە قۇرامنىڭ قىلمىسى عانا ەمەس, وسىعان جول بەرىپ وتىرعان, مۇنى باقىلاۋعا الۋعا ءتيىستى باسشىلىقتىڭ ايىبى بارلىعى ايدان انىق كورىنەدى. بيلىكتى وسىنشاما جەرگە قاراتقان ونداي رەسپۋبليكالىق, وبلىستىق, اۋداندىق دەڭگەيدەگى باسشى قۇرامداعى ءبىرقاتار شەندىلەردىڭ شەنىنەن ايىرىلىپ, جازاسىن تارتاتىن ءساتتىڭ كەلگەن كەزى وسى. جەكە قۇرامنىڭ, جوعارى وقالى كيىمدىلەردىڭ مۇنداي قىلمىسقا بارۋىنا ۇلكەندى-كىشىلى باسشىلىقتىڭ كىناسى جوق دەپ ەشكىم ايتا الماس. ەندەشە سول باسشىلىق اتتەستاتتاۋدان وتكەندە ءتۇگەل دەمەي-اق قويالىق, ءار جەردە قىلتيعان ءبىر تالداي قاتارى سيرەپ قالاتىندىعىنا كامىل سەنەمىز. ايتپەسە, ەلباسى, حالىق وسىنشاما ءمان بەرىپ, ۇلكەن ءۇمىت كۇتىپ وتىرعان اتتەستاتتاۋدان نە قايىر بولماق؟
سوندىقتان قارا قىلدان اتتاعان, ادىلدىكتى ارىم دەپ ساقتاماعان, ار-ۇياتتى تاپتاپ تالايدىڭ جازىقسىز كوز جاسىنا قالعان جاندار بولسا ءوزى بىلەتىن ادىلەتسىز ىستەرى ءۇشىن اتتەستاتتاۋدان بۇرىن-اق قىزمەتتەن ءوز ەرىكتەرىمەن كەتكەندەرى ءجون-اۋ دەيمىز. جوعارى اتتەستاتتاۋ كوميسسياسىنان قۇقىق قورعاۋ ورگاندارىنىڭ باسشىلىعى قالاي وتەدى, تومەنگى جاق تا تاپ سول ۇردىسپەن جالعاسىن تاباتىنى انىق. پارا العان نەمەسە جازىقسىز جاندى ناقاق قارالاعان قىزمەتكەر اتتەستاتتاۋدا ەسكەرتۋ ەستىپ, قايتا ورىنتاعىنا جانتاياتىن بولسا, وندا ءبىزدىڭ ەلىمىزدە ەشۋاقىتتا سىبايلاستىق سىرقاتى جويىلمايدى. سوندىقتان بۇل كەزەكتەن تىس جانە العاشقى اتتەستاتتاۋ ەكەن, ەندەشە الاياقتار مەن جەمقورلارعا, بىلىكسىزدەر مەن توپاستارعا قاسيەتتى قۇقىق قورعاۋ ورگاندارى قاتارىندا ورىن جوق ەكەنىن بىردەن كەسىپ ءبىلدىرۋ قاجەت. بۇل قاتارعا جاڭادان قوسىلاتىن جانى تازا قىزمەتكەر ءۇشىن دە ۇلكەن كومەك. دەمەك, ەرتەڭگى كۇنى ەشكىم دە ار-ۇياتىن جيىپ قويىپ, بيلىكتى تەرىس پايدالانۋعا بارا قويمايدى. ال ەگەر سول ەرتەڭگى كۇنى اتتەستاتتاۋدان وتكەن قىزمەتكەرلەر قايتادان بۇرىنعى انىنە باساتىن بولسا, وندا ەل-جۇرتتى شۋلاتقان مىنا ىسىمىزبەن كىم كىمدى الداعان بولىپ شىعامىز؟
سوندىقتان ەلباسىنىڭ جارلىعى مۇلتىكسىز جانە ەڭ بيىك تالاپ دەڭگەيىندە ورىندالۋعا ءتيىس دەپ بىلەمىز. ال ونىڭ ورىندالۋى قۇقىق قورعاۋ ورگاندارىنىڭ ەرتەڭگى كۇنى حالىق الدىنداعى ساۋاتتى دا سالاماتتى اتقارىلعان جۇمىس ناتيجەسىنەن كورىنبەك. دەمەك, بۇل سىناققا سىن ءالى الدا. سونى وسى باستان ەستەن شىعارماعان ءجون-اۋ.
الەكساندر تاسبولاتوۆ.
