ات-اكادەمياسى جۇمىسىنىڭ باستالعاندىعىنا ريزاشىلىعىن بىلدىرگەن مۇحامبەتقالي بۇركىتباەۆ تاريحى تەرەڭگە تارتقان قازاقستاندىق ۋنيۆەرسيتەتتىڭ وقىتۋ-عىلىمي كەشەنىندە تسيفرلىك تەحنولوگيالار سالاسىنداعى الەمدىك كوشباسشىنىڭ وزىق باستاپ وتىرعاندىعىن, ات-اكادەميا باعدارلاماسىنا قاتىسۋ ارقىلى ۋنيۆەرسيتەت وسى سالاداعى كاسىپقويلارعا, بولاشاق ستۋدەنتتەرگە جانە اكادەميالىق ەكوجۇيەگە مۇددەلى باسقا دا تاراپتارعا Microsoft-تىڭ ەڭ سوڭعى تەحنولوگيالارى بويىنشا جوعارى ساپالى ءبىلىم بەرىپ, وسى سالادا مويىندالعان ۋنيۆەرسيتەتكە اينالۋعا مۇمكىندىك الاتىندىعىن اتاپ ءوتتى.
انكە دەن اۋدەننىڭ ايتۋىنشا, جوعارعى ءبىلىم تەحنولوگيالارعا نەگىزدەلگەن ەكونوميكانىڭ دامۋ بەتالىستارىن ەسكەرىپ, ستۋدەنتتەردىڭ بولاشاعى ءۇشىن جاڭا مۇمكىندىكتەردى قۇرۋ ءۇشىن جاعداي جاساۋى ءتيىس. بۇل ينۆەستيتسيالار جاس ماماندارعا باسقاشا قىرىنان ويلاپ, كۇردەلى الەۋمەتتىك ماسەلەلەردى ءتيىمدى شەشۋگە ارنالعان داعدىلاردى دامىتۋعا كومەكتەسپەك. Microsoft Imagine Academy – بۇل قازاقستاندىق ستۋدەنتتەرگە تەحنولوگيالار جالپى قالاي ءومىر ساپاسىن كوتەرە الاتىندىعى جايلى ءوز زاماناۋي كوزقاراسىن ءبىلدىرىپ, يننوۆاتسيالىق ماشينالاردى, ماتەريالدار مەن جۇيەلەردى جاساۋ ىسىندە ولارعا قولداۋ كورسەتەدى.
Microsoft ات-اكادەمياسى – ستۋدەنتتەر مەن وقىتۋشىلاردى Microsoft تەحنولوگيالارىنا وقىتۋعا ارنالعان الاڭ. اكادەميا اشىلعان ساتتەن باستاپ, ستۋدەنتەرگە Microsoft ونىمدەرىمەن جانە تەحنولوگيالارمەن جۇمىس جاساۋ داعدىلارىن ۇيرەتۋ جانە ارى قاراي سەرتيفيكاتتاۋدان وتۋگە جاعداي جاساۋ ماقساتىندا اقپاراتتىق تەحنولوگيالار جانە مەحانيكا-ماتەماتيكا فاكۋلتەتتەرىندەگى ماماندىقتاردى وقىتۋ كۋرستارى قايتا قاراستىرىلادى.
