«الەۋمەتتىك قامقورلىق» باعدارلاماسى جاڭا الەۋمەتتىك تاپسىرمالاردى ۇسىنىپ وتىر. وسىعان بايلانىستى ءۇش باعىتتا جۇمىس ىستەپ جاتىرمىز. العاشقىسى, كۇنكورىس دەڭگەيى تومەن وتباسىلار مەن وتباسى مۇشەلەرىنە كورسەتىلەر كومەك. ەكىنشىسى, دەنساۋلىق ساقتاۋ سالاسىنداعى قىزمەتتەردىڭ ساپاسىن ارتتىرۋ. سونىمەن قاتار تۇرعىنداردى باسپانامەن قامتۋ ماسەلەسى باستى نازارعا الىنۋدا. ءۇشىنشى باعىت – وڭىرلەردى دامىتۋ. بيىل ۇلكەن تاريحي وزگەرىستەردىڭ كۋاسى بولىپ وتىرمىز. وڭ وزگەرىستەردىڭ بارلىعى حالىقتىڭ يگىلىگى ءۇشىن اتقارىلىپ جاتىر. 20 جىل بۇرىن شىمكەنت قالاسىنا ىسساپارمەن كەلگەنىمدە جارىق ساعاتتاپ عانا بەرىلەتىن ەدى. مۇگەدەكتەر ۇيىندە ازاماتتاردىڭ جىلۋسىز, جارىقسىز, اۋلادا قازان اسىپ جاتقانى ءالى كوز الدىمنان كەتپەيدى. قازىر ەلىمىزدە حالىقتىڭ ءال-اۋقاتى جاقساردى. شاھاردا وڭدى وزگەرىستەردى كورىپ, تانىستىق. ەندىگى ماقسات – الەۋمەتتىك باعىتتا قاراستىرىلعان مەملەكەتتىك كومەكتى شىن مۇقتاج جاندارعا جەتكىزۋگە بىرلەسىپ جۇمىس ىستەۋ», دەدى گ.ءابدىقالىقوۆا.
ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ ۆەدومستۆونىڭ حالىقتىڭ تابىسىن ارتتىرۋ جانە از قامتاماسىز ەتىلگەن وتباسىلاردى قولداۋ بويىنشا قابىلداعان شارالارى تۋرالى ايتىپ ءوتتى.
«مەن ءۇشىن وڭتۇستىك ءوڭىردىڭ, ونىڭ ءىشىندە شىمكەنتتىڭ ورنى بولەك. ەلباسىنىڭ تاۋەلسىزدىك جىلدارىنداعى ەلدى داعدارىس جاعدايىنان قالاي الىپ شىققانى بارلىعىمىزدىڭ سانامىزدا سايراپ تۇر. تۇڭعىش پرەزيدەنتىمىزدىڭ مەملەكەتتىك دەڭگەيدەگى ءار ءىسىنىڭ, باستامالارىنىڭ ارتىندا ەلدىڭ الەۋمەتتىك جاعدايىن جاقسارتۋ تۇردى. ۋاقىت تەگەرشىگىن كەيىن شەگەرىپ قارار بولساڭىزدار, سول تاپسىرمالاردىڭ قالاي ورىندالىپ جاتقانىنا كوز جەتكىزەسىزدەر. مىنە, مۇنىڭ دالەلى جاقىندا عانا جەتەكشى پارتيانىڭ كەزەكتى سەزىندەگى ەلباسىنىڭ ۇكىمەتكە, جەرگىلىكتى بيلىك وكىلدەرىنە بەرگەن تاپسىرماسى حالىقتىڭ جاعدايىن جاقسارتىپ, كورسەتىلەتىن قىزمەتتىڭ ساپاسىن ارتتىرۋ بولدى. بيۋدجەتتىك سالا قىزمەتكەرلەرىنىڭ جالاقىسىن 15-30 پايىزعا, مۇعالىمدەردىڭ ەڭبەكاقىسى ماۋسىمعا دەيىن 79 مىڭ تەڭگە بولسا, ەندى 96 مىڭ تەڭگەگە ەسەلەنبەك. تاربيەشىلەردىڭ جالاقىسى 68 مىڭنان 88 مىڭعا, دارىگەرلەردىڭ ايلىعى 108 مىڭنان 141 مىڭعا دەيىن وسەدى. مۇنىڭ بارلىعى قىزمەت ءوتىلى مەن بىلىكتىلىك دەڭگەيىنە قاراي ەسەپتەلەدى», دەدى ب.ساپارباەۆ.
مينيستر شىمكەنت قالاسىنىڭ 77725 تۇرعىنى از قامتىلعان كوپ بالالى وتباسىلارعا ارنالعان الەۋمەتتىك كومەكتى الاتىنىن ايتتى.
اتالعان كومەككە مۇقتاج وتباسىلاردى انىقتاۋ ءۇشىن جەرگىلىكتى بيلىكپەن ءبىرلەسىپ الەۋمەتتىك كارتا ازىرلەنىپ جاتىر. وسى ورايدا ول شىمكەنتتىك كاسىپكەرلەرگە ۇيدە وتىرعان انالارعا كومەك قولىن سوزىپ, كاسىپ كوزىن اشۋىنا ىنتالاندىرۋعا شاقىردى.
شىمكەنتتىكتەرمەن كەزدەسۋدە جاڭا داعدىلار مەن قۇزىرەتتىلىكتى تالاپ ەتەتىن زاماناۋي جاعدايلاردا ساپالى ءبىلىم بەرۋ ماسەلەسى ەرەكشە ماڭىزعا يە ەكەنىنە ءبىلىم جانە عىلىم ءمينيسترى كۇلاش ءشامشيدينوۆا ءبىلىم بەرۋ سالاسىنداعى رەفورمالار بويىنشا ءوز ويىن ورتاعا سالدى.
«ەلباسىنىڭ پارتيا سەزىندەگى تاپسىرماسىنا وراي مۇعالىم مارتەبەسى كوتەرىلىپ, ولاردىڭ الەۋمەتتىك جاعدايىندا دا جاقسى وزگەرىستەر ورىن الدى. ەڭبەكاقىلارىنا 30 پايىزدىق ۇستەمەاقى قوسىلدى. بالالاردىڭ ساپالى ءبىلىم الۋى ۇستازداردىڭ بىلىكتىلىگىنە بايلانىستى. وسى باعىتتا 3 جىلدىڭ ىشىندە 104 مىڭنان اسا مۇعالىم بىلىكتىلىگىن ارتتىرۋ بويىنشا ارنايى كۋرستان وتەدى. ەندى ەلىمىزدەگى ءۇش اۋىسىمدى مەكتەپتەردىڭ ماسەلەسىن شەشۋدى قولعا الامىز. تاۋەلسىزدىك جىلدارىنان بەرى جەرگىلىكتى جانە رەسپۋبليكالىق بيۋدجەت ەسەبىنەن 1672 مەكتەپ سالىندى. سونىڭ 521-ءى وڭتۇستىك وڭىردە, ونىڭ ىشىندە شىمكەنتتە تۇرعىزىلعان. «100 مەكتەپ, 100 اۋرۋحانا» باعدارلاماسى بويىنشا 34 مەكتەپ وسى وڭىردە سالىندى. نەگە بۇل وڭىردە ءبىلىم ۇيالارى كوپتەپ سالىندى؟ سەبەبى, بۇل وڭىردە ۇرپاعىم ءبىلىمدى, بىلىكتى ازامات بولسىن دەگەن التىن قۇرساق كوپ بالالى انالار بار. ەندى تاعى 190 مەكتەپ سالامىز دەپ جوسپارلاپ وتىرمىز. ونىڭ 89-ى ءۇش اۋىسىمدى مەكتەپتەردىڭ ماسەلەسىن شەشەدى. 13-ءى اپاتتى جاعدايداعى مەكتەپتىڭ ورنىنا سالىنادى», دەدى مينيستر.
جۇمىس توبىنىڭ قالالىقتارمەن كەزدەسۋىندە دەنساۋلىق ساقتاۋ جۇيەسىنىڭ باسىم باعىتتارى دا ءسوز بولدى. دەنساۋلىق ساقتاۋ ۆيتسە-ءمينيسترى ءلاززات اقتاەۆا مەديتسينالىق قامسىزداندىرۋ, تۇرعىندارعا ىڭعايلى مەديتسينالىق كومەك كورسەتۋ تۋرالى اڭگىمەلەسە, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆتىڭ ايتۋىنشا, مۇقتاج جاندار ءۇشىن باسپانا ماسەلەسى كەزەڭ-كەزەڭىمەن شەشىم تاپپاق.
شىمكەنت قالاسى اكىمىنىڭ ورىنباسارى گۇلجان قۇرمانبەكوۆا ەلباسىنىڭ «الەۋمەتتىك قامقورلىق» باستاماسىن جۇزەگە اسىرۋ اياسىندا ازىرلەنگەن الەۋمەتتىك جوبالار تۋرالى حاباردار ەتتى.
«2019 جىلى قالالىق بيۋدجەتتە ءبىرنەشە ينۆەستيتسيالىق جوبالاردى ىسكە اسىرۋ جوسپارلانعان. اتالعان جوبالاردى ىسكە اسىرۋ ارقىلى 22 مىڭنان استام جۇمىس ورىندارىن اشۋ كۇتىلۋدە. الداعى ۋاقىتتا «Meyirim.kz» قايىرىمدىلىق جانە «ەل-كومەك» ەلەكتروندى الەۋمەتتىك پورتالى, «بەلسەندى ۇزاق ءومىر ءسۇرۋ», «شاپاعات» مۇگەدەكتەرگە ارنالعان ورتالىقتارى اشىلادى. «ايەلدەر جانە جاستار كاسىپكەرلىگىن دامىتۋدىڭ 2019-2021 جىلدارعا ارنالعان «مەن كاسىپكەر بولامىن» اتتى جول كارتاسى ازىرلەندى. جوبانى ىسكە اسىرۋ ءۇشىن قالالىق بيۋدجەت ەسەبىنەن 600 ملن تەڭگە قارالدى. بۇگىنگە 540 پاتەرلى 10 تۇرعىن ءۇيدىڭ قۇرىلىسى دايىن, مامىر ايىندا بەرىلەدى. ونىڭ ىشىندە 177 پاتەر كوپ بالالى انالارعا بەرىلەدى. ناتيجەسىندە بيىل 1368 الەۋمەتتىك جاعىنان ءالسىز ساناتتاعى جانە جاس وتباسىلار (342 پاتەر) باسپانالى بولادى. قازىر قالادا 100 مىڭنان استام ازاماتقا الەۋمەتتىك كومەك كورسەتىلۋدە. ونىڭ ىشىندە 62 مىڭنان استام ادامعا مىندەتتى الەۋمەتتىك كومەك كورسەتىلۋدە», دەدى گ.قۇرمانبەكوۆا.
كەزدەسۋدى قورىتىندىلاي كەلە, پرەمەر-ءمينيستردىڭ ورىنباسارى گ.ابدىقالىقوۆا 11 كوپ بالالى وتباسىنا مەملەكەتتىك تۇرعىن ءۇي باعدارلاماسى اياسىندا سالىنعان جاڭا پاتەرلەردىڭ كىلتتەرىن تاپسىردى.
شىمكەنت
