قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى ءباسپاسوز دەرەكتەرى بويىنشا, كاسىبي ماماندار جيىنىندا قازاقستان, رەسەي, قىتاي, يران, شۆەيتساريا, گەرمانيا جانە باە ەلدەرىنەن قاتىسقان ەكى جۇزدەن استام سالا ماماندارى وسى باعىتتاعى كەشەندى ماسەلەلەردى ورتاعا سالدى.
كونفەرەنتسيانى ۇيىمداستىرۋ كوميتەتىنىڭ تەڭ توراعاسى, قازاقستان رەسپۋبليكاسىنىڭ مينەرالدى شيكىزاتتى كەشەندى ۇقساتۋ جونىندەگى ۇلتتىق ورتالىعىنىڭ باس ديرەكتورى, اكادەميك ءابدىراسىل جارمەنوۆ اشىپ, قازاقستان ۇلتتىق جاراتىلىستانۋ عىلىمدارى اكادەمياسىنىڭ قۇرىلعانىنىنا 10 جىل جانە قازاقستان رەسپۋبليكاسىنىڭ مينەرالدى شيكىزاتتى كەشەندى ۇقساتۋ جونىندەگى ۇلتتىق ورتالىعىنىڭ قۇرىلعانىنىنا 25 جىل تولىپ وتىرعانىن توقتالىپ, سالاداعى جەتىستىكتەر بارىسىن اتاپ ءوتتى.
قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتى توراعاسىنىڭ ورىنباسارى قانات بايتوۆ قر مشكۇ ۇو» رمك-ى عالىمدارى جاساعان تەحنولوگيالار حالىقارالىق كەڭىستىكتە ەلىمىزدىڭ بەدەلىن ارتتىرۋمەن قاتار تۇراقتى يزوتوپتار ءوندىرىسىنىڭ ۇشتىك كوشباسشى تىزىمىنە ەنگىزگەن ءوسميلى كونتسەنتراتتاردى وڭدەۋدە ەڭ تازا وسمي-187 يزوتوپىن الۋ تەحنولوگياسىنداعى جەتىستىكتەرى, دەپ اتاپ ءوتتى. مۇنىڭ قاتارىندا ءتۇرلى كونتينەنتتەردە ساپاسى تومەن قورعاسىنقۇرامدى شيكىزاتتان بالقىتىلاتىن بىرىنشىلىك قورعاسىننىڭ ونىنشى ۇلەسىن ءوندىرىپ وتىرعان كيۆتسەت تەحنولوگياسى مەن دۇنيە ءجۇزىنىڭ كوپتەگەن ەلدەرىندە پاتەنتتەلگەن جانە الەمدىك مەتاللۋرگيا الىبى Thyssen Krupp AG جانە POSCO كومپانيالارىمەن بىرلەسىپ جۇزەگە اسىرىلىپ وتىرعان بولاتتى قىشقىلسىزداندىرۋعا جانە موديفيكاتسيالاۋعا ارنالعان «قازاقستاندىق» قورىتپاسىن الۋ تەحنولوگياسى بار. رەسپۋبليكادا اسىل مەتالدىڭ ءار ءۇشىنشى تونناسىن الۋدى قامتاماسىز ەتىپ وتىرعان قۇرامىندا التىنى بار شيكىزاتتاردى وڭدەۋدىڭ بىرەگەي تەحنولوگيالارى بۇگىنگى ءوندىرىستىڭ جەتىستىگى. الىنعان ناتيجەلەر قازاقستاندىقتاردىڭ ءال-اۋقاتىن ارتىرۋعا جانە مەملەكەتىمىزدىڭ نىعايۋىنا ءسوزسىز ىقپال ەتەدى.
القالى جيىن «قازۇجعا» مەن «قر مشكۇ ۇو» رمك-ڭ كورنەكتى عالىمدارى مەن مامانداردىن قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ, قازاقستان رەسپۋبليكاسى بiلiم جانە عىلىم مينيسترلىگىنiڭ, قازاقستان ۇلتتىق جاراتىلىستانۋ عىلىمدارى اكادەمياسىنىڭ ماراپاتتاۋىمەن اياقتالدى.
