كەزدەسۋدە تاراپتار ءوزارا سەنىمدى نىعايتۋ, بىرلىك پەن كەلىسىمدى ساقتاۋ سالاسىنداعى ەكىجاقتى قاتىناستاردىڭ ماسەلەلەرىن تالقىلادى. قحا ءتوراعاسىنىڭ ورىنباسارى ءوزارا قارىم-قاتىناس جوعارعى دەڭگەيدە ەكەنىن جانە قحا ءوز تاراپىنان وسى ىنتىماقتاستىقتىڭ دامۋىنا بارىنشا ىقپال ەتەتىنىن اتاپ ءوتتى.
ج.تۇيمەباەۆ قازىرگى ۋاقىتتا قازاقستاندا تاتار ەتنوسىنىڭ 200 مىڭنان استام وكىلى ءومىر ءسۇرىپ جاتقانىن حابارلادى. سونداي-اق اسسامبلەيا توراعاسىنىڭ ورىنباسارى بارلىق تاتار-باشقۇرت ەتنومادەني بىرلەستىكتەرى «قازاقستاندىق تاتار جانە باشقۇرت كونگرەسى» بىرىڭعاي رەسپۋبليكالىق قوعامدىق بىرلەستىگىنىڭ قۇرامىنا ەنەتىنىن ايتتى. قاۋىمداستىق تاتار مادەنيەتىن ساقتاۋ ماسەلەلەرى بويىنشا عىلىمي-ءتاجىريبەلىك كونفەرەنتسيالار وتكىزەدى, كىتاپ باسىپ شىعارادى, سونىمەن بىرگە جىل سايىن «ەرتىس اۋەندەرى» مۋزىكالىق فەستيۆالى مەن ءتۇرلى ءىس-شارالار ۇيىمداستىرادى.
«وتكەن جىلى قازاقستاننىڭ تۇڭعىش پرەزيدەنتى نۇرسۇلتان نازارباەۆ تاتارستان رەسپۋبليكاسىنا باردى. بيىل مامىر ايىندا تاتارستان رەسپۋبليكاسىنىڭ پرەزيدەنتى رۋستام ميننيحانوۆتىڭ قازاقستانعا ساپارى كۇتىلۋدە. الماتى وبلىسىندا سابانتوي مەرەكەسىن وتكىزۋدى جوسپارلاپ وتىرمىز», – دەدى ج.ءتۇيمەباەۆ.
دەنيس ۆالەەۆ قازاق جانە تاتار تىلدەرىنىڭ ۇقساستىعىن اتاپ ءوتتى. «قازاقستانداعى وتانداستارمەن سوڭعى كەزدەسۋ كەزىندە ەتنوس اراسىندا تاتار ءتىلىن ساقتاۋ تۋرالى كەزەكتى سۇراققا وراي ءبىزدىڭ پرەزيدەنتىمىز رۋستام ميننيحانوۆ: «قازاق ءتىلىن ۇيرەنىپ, تاتار ءتىلىن جاقسى بىلەتىن بولىڭدار» دەدى. ءبىزدىڭ ءتىلىمىز سونشالىقتى ۇقساس», – دەدى سپيكەر.
تاتار ەتنوسىنىڭ قوعامدىق ۇيىمدارىنا قاتىستى وكىلەتتى وكىل بۇكىل رەسپۋبليكا بويىنشا تاتار ۇلتتىق مەرەكەلەرىن وتكىزۋگە قولداۋ كورسەتىلەتىنىن جانە ەتنوس وكىلدەرى قازاقستاندا ءوز ۇيلەرىندە تۇرىپ جاتقانداي سەزىنەتىنىن اتاپ ءوتتى.
سونىمەن بىرگە دەنيس ۆالەەۆ ايتىپ وتكەندەي, جاڭا يندۋستريالىق جوبالار, سونىڭ ىشىندە اۋتسورسينگتىك تەحنولوگيالار, مۇناي حيمياسى جانە باسقا دا سالالار ازىرلەنۋدە.
جانسەيىت تۇيمەباەۆ قحا ساۋدا سالاسىن دامىتۋدى جوسپارلاپ وتىرعانىن حابارلادى. «ءبىزدىڭ ينستيتۋتتىڭ قۇرامىندا قازاقستان حالقى اسسامبلەياسىنىڭ كاسىپكەرلەر قاۋىمداستىعى جۇمىس ىستەيدى. قازان ايىندا ءبىز اسسامبلەيانىڭ حالىقارالىق بيزنەس-فورۋمىن جانە تاريحي شىعۋ تەگى ءبىر ەلدەرمەن جۇزەگە اسىرىلاتىن ءتۇرلى ەتنوس كاسىپكەرلەرىنىڭ بىرلەسكەن جوبالارىنىڭ كورمەسىن وتكىزۋدى جوسپارلاپ وتىرمىز. ءبىزدى سىزدەردەگى بيزنەس-جوبالار قىزىقتىرادى, وسىعان بايلانىستى تاتارستان بيزنەسمەندەرىن اتالعان ءىس-شاراعا بەلسەندى قاتىسۋعا شاقىرعانىڭىز ءجون بولار ەدى», – دەدى ول.
كەزدەسۋ سوڭىندا جانسەيىت ءتۇيمەباەۆ تاتارستان رەسپۋبليكاسىنىڭ وكىلەتتى وكىلىنە «قازاقستان حالقى اسسامبلەياسى ەل تاريحىندا» كىتابىن تابىس ەتتى.
