باستاپقى باسەكەلەردە سەربيالىق پەدجۋ كرشتين (1:6, 6:3, 6:4), امەريكالىق ميتچەلل كريۋگەر (7:6, 6:3) جانە يسپانيالىق فەليسيانو لوپەستەن (7:6, 6:3) ايلاسىن اسىرعان جەرلەسىمىز جارتىلاي فينالدا 27 جاستاعى اقش وكىلى, اتر رەيتينگىندە 93 ساتىدا تۇرعان تەننيس ساندگرەنمەن سايىسقا ءتۇستى. بۇل كەزدەسۋ ءبىزدىڭ جىگىتتىڭ پايداسىنا شەشىلدى – 2:6, 6:2, 7:6. ال اقتىق سىندا ول ەسىمى كوپشىلىككە بەيمالىم ەكۆادورلىق ويىنشى ەميليو گومەسپەن شەبەرلىك بايقاستى. نەبارى 55 مينۋتقا سوزىلعان باسەكەدە بۋبليكتىڭ مىسى باسىم بولدى – 6:3, 6:2.
ءسويتىپ, الەكساندر بۋبليك بيىلعى ماۋسىمدا حالىقارالىق جارىستاردا ءوزىنىڭ ەكىنشى جەڭىسىنە قول جەتكىزدى. وسى تابىسىنىڭ ارقاسىندا الەمدىك رەيتينگتە بىردەن 21 ساتىعا جوعارلاعان وتانداسىمىز قازىرگى كەزدە 99 ورىنعا تابان تىرەدى.
