سوڭعى باسەكەنى نۇر-سۇلتاننىڭ كومانداسى «الماتى لەگيونىنا» قارسى وتكىزدى. بۇل تارتىستا 84:62 ەسەبىمەن العاشقىلارى جەڭىسكە جەتتى. وسىلايشا, «استانا» بيىلعى ماۋسىمدا دا قازاقستان كۋبوگىنىڭ يەگەرى اتانسا, الماتىلىقتار سوڭعى ورىندا قالىپ قويدى.
كۇمىس مەدالدى قوستانايدىڭ «توبىلى» كۇنى بۇرىن يەلەنسە, ءۇشىنشى ورىن ءۇشىن تارتىس «اتىراۋ بارىستارى» مەن كوكشەتاۋدىڭ «سينەگورە» اراسىندا ءوتتى. بۇل باسەكەدە باتىس وڭىرىنەن كەلگەن باسكەتبولشىلاردىڭ مەرەيى ۇستەم بولدى. ەسەپ – 78:76. وسى جەڭىستىڭ ارقاسىندا اتىراۋلىقتار قولا مەدالدى يەلەندى.
ەل كۋبوگىنىڭ قورىتىندىسى بويىنشا ەڭ ۇزدىك بەس ويىنشى انىقتالدى. وسى اتالىم بويىنشا انتون بىكوۆ («توبىل», قوستاناي), دميتري گاۆريلوۆ («استانا», نۇر-سۇلتان), روبەرت پان («توبىل», قوستاناي), ۆلاديمير يۆانوۆ («اتىراۋ بارىستارى», اتىراۋ) جانە رۋستام مۇرزاعاليەۆ («استانا», نۇر-سۇلتان) ارنايى سىيلىقتارمەن ماراپاتتالدى.
