«ءيا, 2017 جىلى قىتاي حالىق رەسپۋبليكاسىمەن اينالى ستاتيستيكانىڭ ارا-جىگى 7 ملرد دوللاردى قۇراعان ەدى. ءبىز وتكەن جىلدىڭ سوڭىندا دا, وسى جىلى دا بىرنەشە رەت قىتايعا بارىپ, ارىپتەستەرىمىزبەن كەزدەستىك. البەتتە, نەلىكتەن وسىنشاما ايىرماشىلىق بارىن ىزدەدىك. ەگەر 7 ملرد تۋرالى ايتار بولساق, بۇل سوما شىنىندا دا, وتە اۋقىمدى سان», – دەيدى قۋات راحىموۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ونىڭ ايتۋىنا قاراعاندا, كەزدەسۋ بارىسىندا قر قم مەملەكەتتىك كىرىستەر كوميتەتىنىڭ قىزمەتكەرلەرى قىتايلىق تاراپتىڭ ادىستەمەسىن بىلمەك بولعان. «ءبىزدىڭ انىقتاعانىمىزداي, ولار قازاقستان اۋماعى ارقىلى تاسىمالدايتىن جۇكتەردىڭ ءبارىن, ياعني ەۋرووداق ەلدەرىنە, رەسەيگە, بەلارۋس ەلدەرىنە جىبەرىلەتىن تاۋارلاردىڭ بارىنە قاتىستى مالىمەتتەردى – قازاقستانعا جاسالعان ەكسپورت دەپ قارايدى ەكەن. البەتتە, بۇل رەتتە بىزدە ەشقانداي كەمشىلىك جوق دەپ ايتىپ وتىرعان جوقپىن. ارينە, شىندىققا ساي كەلمەيتىن دەكلاراتسياعا, باعانى قاداعالاۋ تۇرعىسىنان سۇراقتار بار. ماسەلەن, جىل باسىنان بەرى قازاقستان – قىتاي شەكاراسىنداعى تاۋارلارعا ماڭىز بەرىپ كەلەمىز. شەكاراداعى قاداعالاۋ قىزمەتىن كۇشەيتتىك. كوپتەگەن جۇكتەردى تەكسەرىپ جاتىرمىز. پوست-كەڭەستىك اۋديتكە قاتىستى سۇراقتار تۋىنداعان 60 كومپانيانى انىقتادىق», – دەيدى ول. قۋات راحىموۆ اتاپ وتكەندەي, 2019 جىلدىڭ ءبىرىنشى توقسانىندا 1700 توننا تاۋاردىڭ كۇماندى دەكلاراتسيالانعانى انىقتالعان.
الماتى
