لاڭكەستىك ارەكەتتىڭ جولى كەسىلدى
بەيسەنبى, 29 ناۋرىز 2012 7:11
قازاقستان رەسپۋبليكاسىنىڭ باس پروكۋراتۋراسى ەلىمىزدىڭ ۇلتتىق قاۋىپسىزدىك كوميتەتى 2012 جىلعى 24 ناۋرىزدا الماتى قالاسىنىڭ اۋماعىندا دايىندالۋ ساتىسىنداعى لاڭكەستىك اكتىلەردىڭ الدىن العاندىعى تۋرالى حابارلايدى.
جوسپارلانعان تەراكتىلەردىڭ ۇيىمداستىرۋشىسى 2009 جىلدان باستاپ قازاقستاندىق قۇقىق قورعاۋ ورگاندارىنان شەتەلدە جاسىرىنىپ ءجۇرگەن, 1975 جىلى تۋعان الەكساندر ۆلاديميروۆيچ پاۆلوۆ بولىپ تابىلادى.
بەيسەنبى, 29 ناۋرىز 2012 7:11
قازاقستان رەسپۋبليكاسىنىڭ باس پروكۋراتۋراسى ەلىمىزدىڭ ۇلتتىق قاۋىپسىزدىك كوميتەتى 2012 جىلعى 24 ناۋرىزدا الماتى قالاسىنىڭ اۋماعىندا دايىندالۋ ساتىسىنداعى لاڭكەستىك اكتىلەردىڭ الدىن العاندىعى تۋرالى حابارلايدى.
جوسپارلانعان تەراكتىلەردىڭ ۇيىمداستىرۋشىسى 2009 جىلدان باستاپ قازاقستاندىق قۇقىق قورعاۋ ورگاندارىنان شەتەلدە جاسىرىنىپ ءجۇرگەن, 1975 جىلى تۋعان الەكساندر ۆلاديميروۆيچ پاۆلوۆ بولىپ تابىلادى.
پاۆلوۆ قازاقستاننىڭ قۇقىق قورعاۋ ورگاندارى تاراپىنان ىزدەۋ سالىنعان بتا بانكتىڭ بۇرىنعى باسشىسى مۇحتار ءابىلازوۆتىڭ جەكە كۇزەتىن باسقارادى, ونىڭ جەكە قۇپيا تاپسىرمالارىن ورىنداۋمەن اينالىسادى.
اتاپ ايتقاندا, الەكساندر پاۆلوۆ م.ءابىلازوۆكە بتا بانكتىڭ قارجىسىن اسا ءىرى كولەمدە ۇرلاۋعا كومەك كورسەتكەن, ال 2009 جىلعى اقپاندا ءابىلازوۆتىڭ جەكە مۇراعاتىن جانە بتا بانكتىڭ كورپوراتيۆتىك بيزنەس باسقارماسىنىڭ كومپيۋتەرلەرىنەن قاتتى ديسكىلەردى كوشىرۋدى ۇيىمداستىرعان, سودان سوڭ ءوزى دە ۇلىبريتانياعا كەتىپ, بۇگىنگى كۇنگە دەيىن قازاقستانعا كىرمەگەن.
2010 جىلعى ساۋىردە پاۆلوۆقا قاتىستى ءبىرەۋدىڭ سەنىپ تاپسىرىلعان مۇلكىن يەلەنىپ الۋ نەمەسە ىسىراپ ەتۋ فاكتىسى بويىنشا قىلمىستىق ءىس قوزعالعان, ال 2010 جىلعى تامىزدا وعان ىزدەۋ جاريالانعان.
ونىمەن ءسوز بايلاسا وتىرىپ «العا» تىركەلمەگەن پارتياسى باسشىلارىنىڭ ءبىرى, م.ءابىلازوۆتىڭ ەڭ جاقىن سەنىمدى سەرىكتەرىنىڭ ءبىرى بولىپ تابىلاتىن جانە شەتەلدە تۇراقتى تۇراتىن مۇراتبەك كەتەباەۆ ارەكەت ەتكەن.
تەرروريزم جانە ەكسترەميزم اكتىلەرىن ۇيىمداستىرۋ جونىندە جوسپارلاردى ولار 2011 جىلعى قىركۇيەكتەن بەرى ويلاستىرىپ كەلگەن.
2012 جىلعى ناۋرىزدىڭ باسىندا ولار وزدەرىنىڭ سىبايلاستارىنا الماتى قالاسىنىڭ قوعامدىق ورىندارىندا, ونىڭ ىشىندە ساياباقتار ايماعىندا جانە اكىمشىلىك عيماراتتارىنىڭ جانىندا جارىلىستار جاساۋدى تاپسىرعان.
اتاپ ايتقاندا, پاۆلوۆ ورىنداۋشىعا اۋەزوۆ اۋدانىنداعى «سارىارقا» كينوتەاترىنىڭ ارتىنداعى «فەمەلي» ساياباعىندا جارىلىستى ۇيىمداستىرۋدى, سونداي-اق جارىلعىش زاتتاردى ءال-فارابي داڭعىلىنداعى جاياۋ جۇرگىنشىلەر وتپەلەرىندە ورنالاستىرۋدى تاپسىرعان.
لاڭكەستىك شارالارىن ۇيىمداستىرۋ ءۇشىن پاۆلوۆ 25 مىڭ اقش دوللارى كولەمىندە اقشالاي قاراجات بولگەن, ونىڭ 15 مىڭ دوللارى ورىنداۋشىعا بەرىلگەن. قالعان 10 مىڭ دوللارىن تەراكتىلەر جاسالعاننان كەيىن بەرۋ جوسپارلانعان.
جەدەل-تەرگەۋ شارالارىنىڭ بارىسىندا لاڭكەستىك شارانىڭ نەگىزگى ماقساتى رەتىندە حالىقتى قورقىتۋ, الاساپىران مەن دۇربەلەڭ جاعدايىن تۋدىرۋ, ەلدەگى قوعامدىق-ساياسي جاعدايدى تۇراقسىزداندىرۋ بولعاندىعى انىقتالدى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسى 233-بابىنىڭ 1-تارماعى («تەرروريزم») بويىنشا قىلمىستىق ءىس قوزعالىپ, تەرگەلۋدە.
تەرگەۋ اياسىندا قۇقىق قورعاۋ ورگاندارىنا جوعارىدا اتالعان تۇلعالاردىڭ شەتەلدىكتەردى قوسا العاندا راديكالدى ۇستانىمداعى ءدىني توپتاردىڭ وكىلدەرىمەن قازاقستاندا تەرروريستىك اكتىلەردى ءبىرلەسىپ جاساۋ, سونداي-اق دىنارالىق جانە ۇلتارالىق تۇرعىدا قاقتىعىستار تۋدىرۋ ماقساتىندا بايلانىس ورناتۋ ارەكەتتەرى تۋرالى اقپارات كەلىپ ءتۇستى.
تەرگەۋ جۇرگىزىلۋدە. بىرقاتار تۇلعالار قازىرگى كەزدە ۇستالدى جانە كىنالارىن مويىنداپ, ايعاق بەرۋدە.
مۇنان وزگە اقپارات تەرگەۋدىڭ مۇددەسىنە بايلانىستى جاريالانبايدى, دەپ حابارلادى باس پروكۋراتۋرانىڭ ءباسپاسوز قىزمەتى.
