رۋحانيات • 04 ءساۋىر، 2019

«SuluExpo 2019» XVII حالىقارالىق كورمەسىنە نارىقتاعى جاڭا كومپانيالار شىقتى

461 رەت كورسەتىلدى

بۇگىن الماتىداعى «اتاكەنت» كورمە ورتالىعىندا «SuluExpo-الماتى 2019» XVII حالىقارالىق كورمەسى باستالدى. ءۇش كۇنگە سوزىلاتىن سۇلۋلىق يندۋسترياسى كورمەسى – سۇلۋلىق سالاسى مەن سالون بيزنەسىنىڭ كاسىبي ماماندارىنا ارنالعان.

جوبا كاسىبي كوسمەتيكا جانە كوسمەتولوگيا، تىرناق سەرۆيسى، شاشتاراز ونەرى، ۆيزاج، ەستەتيكالىق مەديتسينا، تۇراقتى ماكياجداۋ سالاسىنداعى وتاندىق جانە شەتەلدىك ازىرلەنىمدەردىڭ ەكسپوزيتسياسىن، سونداي-اق ىسكەرلىك ءىس-شارالار باعدارلاماسىن – سەمينارلاردى، شەبەرلەر سىنىپتارىن، بايقاۋلار مەن ترەنينگتەردى قامتيدى.

SuluExpo جىل سايىن ءساۋىر ايىندا الماتى قالاسىندا، ال قاراشا ايىندا استانا قالاسىندا وتەتىن وندىرۋشىلەر، ديستريبيۋتورلار، سۇلۋلىق بيزنەسى يەلەرى مەن سالالىق ماماندارى اراسىنداعى ىسكەرلىك كەزدەسۋلەردىڭ باستى الاڭىنا اينالىپ كەلەدى.

ماسەلەن 4 ساۋىردە كورمەنىڭ ءماجىلىس-زالىندا كوسمەتولوگ دارىگەر، جەتەكشى وقىتۋشى – جاتتىقتىرۋشى جانە "انگيوفارم" ساۋدا ماركاسىنىڭ سپيكەرى – ماسكەۋلىك و.پوليۆانوۆانىڭ «باسقارىلاتىن انگيوگەنەز» سەمينارى ءوتتى. ال 5 ساۋىردە «كومتي» قازاقستان مەزوتەراپيا قوعامى ۇيىمداستىرعان كوسمەتولوگيا سالاسىنىڭ جاس ماماندارىن تاڭداۋعا ارنالعان بوس ورىندار جارمەڭكەسى ۇيىمداستىرىلادى. بۇدان باسقا، كورمەنىڭ اياسىندا كورمەگە قاتىساتىن «Vivienne Sabo»، «Makeover Paris»، «Aden Cosmetic» سياقتى الەمدىك جەتەكشى برەند كومپانيالارىنىڭ كوسمەتولوگيا، ماكياج، تىرناق ديزاينى بويىنشا شەبەرلەردىڭ كوپتەگەن اشىق سىنىپتارى وتكىزىلىپ، كەلۋشىلەرگە وزدەرىنىڭ كاسىبي دەڭگەيىن كوتەرۋىنە مۇمكىندىك بەرەدى. ولاردىڭ اراسىندا شاشتارازدارعا ارنالعان پاتەنتتەلگەن وقىتۋ باعدارلامالارىنىڭ – اۆتورى ماسكەۋلىك و.شتاتولكينانىڭ اۆتورلىق شەبەرلىك ساعاتتارى، قازاقستان شاشتاراز ونەرى قۇراماسىنىڭ جاتتىقتىرۋشى ا.ءپروسۆيريننىڭ كورنەكى شەبەرلىك دارىستەرىنىڭ تۇگەلدەي دەرلىك توپتاماسى بار.

«SuluExpo» كورمەلەرىنىڭ ايرىقشا ەرەكشەلىگى – قازاقستانداعى سۇلۋلىق يندۋسترياسىنىڭ نارىعىندا بۇرىن-سوڭدى بولماعان جاڭا كومپانيالاردىڭ قاتىسىپ، جاڭا ونىمدەر مەن جاڭا يننوۆاتسيالىق تەحنولوگيالارىن ۇسىنۋى. ماسەلەن، بيىلعى كورمەدە پولشانىڭ ۇجىمدىق ەكسپوزيتسياسى – جەتەكشى پولياك كوسمەتيكالىق برەندتەرىن، يننوۆاتسيالىق ونىمدەرى مەن بىرەگەي رەتسەپتۋرالارىن قازاقستاندا العاش رەت ۇسىنباق. ولاردىڭ اراسىندا فارماتسەۆتيكالىق ارنا، ءدارىحانالار مەن ساتۋدىڭ كاسىبي ارناسى سپا-سالوندارى ارقىلى قول جەتىمدى شاش كۇتىمى قۇرالدارىن وندىرۋگە ماماندانعان «Inter Fragrances» كومپانياسى، تەرى مەن بەت كۇتىمىنە ارنالعان زاماناۋي كوسمەتيكا، پارفيۋمەريا، شاش ءتۇسىرۋ پرەپاراتتارىن ۇسىناتىن Miraculum S.A.،گيبريدتىك تىرناق لاكتارىن، قۇرعاق سۋسابىندارىن، كلاسسيكالىق  لاكتارىن شىعاراتىن LaQell،  GLOV كومپانيالارى بار. 150-دەن اسا اتالىمى بار BluxCosmetics كومپانياسى – پولشاداعى جوعارى ساپالى كوسمەتيكانىڭ جانە تۇرمىستىق حيميانىڭ ءىرى وندىرۋشىلەرىنىڭ ءبىرى. Bi-es كومپانياسى دا – پولشاداعى مەيلىنشە اتاقتى ءىرى پارفيۋمەرلىك برەندتەردىڭ ءبىرى.

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار