كونفەرەنتسيانى ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتى مەن ر.ب.سۇلەيمەنوۆ اتىنداعى شىعىستانۋ ينستيتۋتى جانە «نۇر-مۋباراك» ەگيپەت يسلام مادەنيەتى ۋنيۆەرسيتەتتەرىمەن بىرلەسىپ ۇيىمداستىرىلدى.
مازمۇندى مالىمدەمەلەر جاسالعان ماجىلىسكە «نۇر-مۋباراك» ەگيپەت يسلام مادەنيەتى ۋنيۆەرسيتەتىنىڭ رەكتورى مۋحامماد اش-شاحات ابدۋلحاميد مۋحامماد ال-جيندي, ر.ب.سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى ءابساتتار قاجى دەربىسالى, «نۇر-مۋباراك» ەگيپەت يسلام مادەنيەتى ۋنيۆەرسيتەتىنىڭ پروفەسسورى, PhD حاسان حۋسەين ماتاري (قازاقستان-ەگيپەت), «نۇر-مۋباراك» ەگيپەت يسلام مادەنيەتى ۋنيۆەرسيتەتىنىڭ پروفەسسورى, PhD ماديح ابدۋللا ابدۋ-ل-دجاۋاد, PhD, ۋيسسەن ۋنيۆەرسيتەتىنىڭ باسشىسى, پروفەسسور, PhD تۋنجاي سەۆينديك (شۆەيتساريا), ۋيسسەن ۋنيۆەرسيتەتىنىڭ قۇرىلتاي مۇشەسى پروفەسسور, PhD مۋستافا ينان (شۆەيتساريا), وقىتۋشى دوكتور سابري مۋاز سۋلەيمان (يوردانيا),ءال-فارابي مۇراسىن زەرتتەۋشى عالىم, اتاقتى اۋدارماشى كلارا تادجيكوۆامەن قاتار, باسقا دا ۋنيۆەرسيتەت پەن ينستيتۋتتاردىڭ وقىتۋشى-پروفەسسورلىق قۇرامى مەن وسى عىلىمي باعىتتاعى ىزدەنۋشى عالىمدار قاتىستى.
فارابي فورۋمى اياسىندا وتكەن كونفەرەنتسيا ۇلى بابامىز ءابۋ ناسىر ءال-ءفارابيدىڭ باي رۋحاني مۇراسىن ناسيحاتتاۋ مەن بۇگىنگى تاۋەلسىز ەلىمىزدىڭ حالىقارالىق قاتىناستار جۇيەسىندەگى ورنىن بەلگىلەۋ باعىتىنداعى جۇمىستاردى ۇيلەستىرۋدى كوزدەيدى. ونىڭ ىشىندە ءال-فارابي مۇراسىنىڭ الەمدە زەرتتەلۋىنە سەرپىن بەرۋ, ءال-فارابي مۇرالارىن تۇپنۇسقادان قازاق تىلىنە تىكەلەي اۋدارۋ ماسەلەسىن جولعا قويۋ دا بار.
كونفەرەنتسيا بىرنەشە سەكتسيادا جۇمىس ىستەدى. بۇل سەكتسيالاردا شىعىستىڭ ءداستۇرلى جانە زاماناۋي مادەنيەتىن, ءال-فارابي مۇراسىنىڭ «رۋحاني جاڭعىرۋ» باعدارلاماسىن جۇزەگە اسىرۋداعى ءرولى قاراستىرىلدى.
جيىندا ءال-فارابي ەڭبەكتەرىندە كورىنىس بەرگەن جانە قازىرگى كەزەڭدە جۇزەگە اسىرىلىپ جاتقان ءدىن مەن الەۋمەتتىك قۇرىلىمدى مودەرنيزاتسيالاۋعا قاتىستى جانە شىعىس ەلدەرىنىڭ مادەنيەتى مەن ەكونوميكاسىنا ىقپال ەتەتىن يدەيالار ۇسىنىلدى.
كونفەرەنتسيا بارىسىندا «نۇر-مۋباراك» ەگيپەت يسلام مادەنيەتى ۋنيۆەرسيتەتىنىڭ رەكتورى مۋحامماد اش-شاحات ابدۋلحاميد مۋحامماد ال-جيندي مىرزا: «ءال-فارابي وتكەننىڭ عانا ەمەس, بۇگىننىڭ دە, بولاشاقتىڭ دا عالىمى بولىپ تابىلادى. ونىڭ كوتەرگەن تاقىرىپتارى بۇگىنگى قوعام ءۇشىن دە, كەلەر قوعام ءۇشىن دە وزەكتى بولىپ قالا بەرمەك» – دەگەن پايىمىن ايتا وتىرىپ, فارابي فورۋمىن وتە جوعارى باعالايتىندىعىن جەتكىزدى. ءسوز سوڭىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتىنىڭ جاقسى باستامالارى جالعاسا بەرەتىندىگىنە سەنىم ءبىلدىردى.
