«قوعامدىق جيىن – كوپشىلىكتىڭ وسىنداي جوبالارعا اتسالىسۋىنىڭ ماڭىزدى قۇرالى. بۇل جيىندا كوتەرىلگەن ماسەلەلەرگە قاتىستى ۇسىنىستار شيپاجايدىڭ قورشاعان ورتاعا اسەرىن باعالاۋ قۇجاتتاماسىنا ەنگىزىلىپ, جوبانىڭ ەكولوگيالىق قۇرامداس بولىگىن جاقسارتۋعا كومەكتەسەدى", – دەپ تۇيىندەيدى ءوز مالىمدەمەلەرىن "كوكجايلاۋ" تاۋ شاڭعىسى شيپاجايى" جشس ءباسپاسوز قىزمەتى.
ىلە-الاتاۋ ۇلتتىق تابيعي پاركىنىڭ اۋماعىنداعى 5 جەر تەلىمى مەملەكەتتىك بايقاۋ ارقىلى ساتىلىمعا شىعارىلدى. ونىڭ تورتەۋى "كوكجايلاۋ" كۋرورتىنىڭ قۇرىلىسىنا باعىتتالعان. بۇل باس-اياعى 134,4 گەكتار اۋماقتى الىپ جاتىر. ەندى 15 كۇن بويى قۇجاتتاردىڭ دۇرىس-بۇرىستىعى انىقتالادى. سودان كەيىن, جەر ۋچاسكەلەرىنىڭ ۇزاق نەمەسە قىسقا مەرىزىمگە بەرۋ تۋرالى شەشىمى شىقپاق. كەيىن, ءبىر جىلدىڭ ىشىندە جوبالىق-سمەتالىق قۇجاتتاماسى ازىرلەنەدى. ءسويتىپ, باس-اياعى 3 جىلدىڭ ىشىندە قۇرىلىس قارقىنى اياقتالىپ ءبىتۋى ءتيىس. باستىسى, فلورا مەن فاۋنا الەمىنە كەسىرى تيمەيدى دەيدى ماماندار. "زيانى تيمەيدى دەپ ايتۋعا بولادى. قازىر تۋريزم سالاسىن قارقىندى دامىتۋىمىز كەرەك. قوعامدىق كەڭەستە جوبانىڭ باس جوسپارى تالقىلاۋدان وتكەن. ەكولوگيالىق ساراپتامانىڭ وڭ قورىتىندىسى بار. سول ءۇشىن الاڭداۋعا نەگىز جوق دەپ ايتا الامىن", - دەيدى ىلە-الاتاۋ مەملەكەتتىك ۇلتتىق تابيعي پاركى باس ديرەكتورىنىڭ ورىنباسارى دارحان يسابەكوۆ.
قوعام وكىلدەرىنىڭ نازارىنا بولاشاق "كوكجايلاۋ" شيپاجايىنىڭ جوبالىق-سمەتالىق قۇجاتتامالارىن ازىرلەۋ اياسىندا دايىندالعان قورشاعان ورتاعا اسەرىن باعالاۋ تۇجىرىمدارى ۇسىنىلدى. ەكولوگيالىق زەرتتەۋلەردى "قازەكولوگيا" كومپانياسى جۇرگىزدى. ەكولوگتاردىڭ بەرگەن باعاسى بويىنشا, قۇرىلىس جۇمىستارى كەزىندە قورشاعان ورتاعا ازداعان اسەرى تيەدى ەكەن. بىراق ول زاڭنامادا كورسەتىلگەن نورمالاردان اسپايتىن كورىنەدى.
«ال "كوكجايلاۋ" شيپاجايىن پايدالانۋعا بەرگەن سوڭ ونىڭ قورشاعان ورتاعا اسەرى (زيان كەلتىرۋى) رۇقسات ەتىلگەن نورمالاردان تومەن بولاتىندىعى دا ايتىلدى. – شتاتتىق رەجيم كەزىندە "كوكجايلاۋ" تاۋ شاڭعىسى شيپاجايىنىڭ ينفراقۇرىلىمدارىن سالۋ جانە پايدالانۋ بويىنشا جوسپارلانىپ وتىرعان قىزمەت تابيعي ورتاعا جانە شيپاجاي سىرتىنداعى تۇرعىنداردىڭ دەنساۋلىعىنا ايتارلىقتاي تەرىس اسەرىن تيگىزبەيدى. شيپاجاي نىساندارى ورنالاستىرىلعان اۋماقتاردا قورشاعان ورتاعا اسەر ەتۋى – ۇزاق مەرزىمدى, بىراق ەكولوگيالىق تالاپتارعا قويىلاتىن مولشەرگە ساي, ۇيعارىلعان شامادا", - دەپ اتاپ ءوتتى "قازەكولوگيا" ديرەكتورى امانگەلدى سقاقوۆ.
"كوكجايلاۋ" تاۋ شاڭعىسى شيپاجايى" كومپانياسىنىڭ اتقارۋشى ديرەكتورى لۋكاس مارشاندتىڭ پايىمداۋىنشا, قورشاعان ورتاعا تيگىزەر اسەرى بولادى. بىراق ول – تەك قۇرىلىس جۇمىستارى كەزىندە عانا جانە از مولشەردە.
«ال ءبىزدىڭ باستى مىندەتتەرىمىزدىڭ ءبىرى, بۇل – ونىڭ قورشاعان ورتاعا اسەرىن مەيىلىنشە ازايتۋ. بۇعان قول جەتكىزۋگە زاماناۋي تەحنولوگيالار مەن وزىق حالىقارالىق تاجىريبەلەر مۇمكىندىك بەرەدى. ءارى ونىڭ ءبارى مىندەتتى تۇردە قازاقستاندىق زاڭناما نورمالارى نەگىزىندە رەتتەلىپ وتىرادى. ءبىزدىڭ جوبامىز قاتاڭ تۇردە وسى زاڭناماعا ساي جۇزەگە اسىرىلادى», -دەدى لۋكاس مارشاند بىزبەن كەزدەسكەن كەزدە.
ودان ءارى, ياعني
قۇرىلىس جۇمىستارى بىتكەننەن كەيىن شيپاجاي تۇراقتى تۇردە دامىتىلىپ وتىراتىن جانە
ەكولوگيانى جاقسارتۋعا باعىتتالاتىن بولادى..
ايتا كەتەيىك, "كوكجايلاۋ" كۋرورتىنا قاراستى 134,4 گەكتار اۋماقتىڭ 17
گەكتارى – اۆتوموبيل جولدارىنا, 5,8 گەكتارى – سۋ بوگەتىنە, 67 گەكتارى – شاڭعى
تراسساسىنا جانە 0,1 گەكتارى اسپالى جولعا قاراستىرىلعان.
الماتى
