ول بارلىق الەمدىك دىندەر مەن رۋحاني وي مەكتەپتەرى سىبايلاس جەمقورلىقتى ايىپتايتىنىن, ال بوتەن م ۇلىكتى زاڭسىز يەمدەنۋ مەن پاراقورلىق كۇنا ەكەنىن ايتتى. «وتكەن ەكى جىلى 2,5 مىڭ مەشىتتە جۇما نامازىنىڭ الدىندا «پاراقورلىق پەن جەمقورلىقتىڭ قاسىرەتى» ۋاعىزدارى وقىلدى. اگەنتتىك ءدىني قىزمەتكەرلەردى سىبايلاس جەمقورلىققا قارسى اعارتۋ ماسەلەلەرى بويىنشا دايىنداۋ ماقساتىندا ءدىني بىرلەستىكتەر ءۇشىن 300-دەن استام سەمينار ۇيىمداستىردى. وسى سالانىڭ 15 000-نان استام وكىلى بۇگىندە قاجەتتى اقپارات پەن داعدىعا يە», – دەدى ا.شپەكباەۆ.
ال اگەنتتىك توراعاسىنىڭ ورىنباسارى ولجاس بەكتەنوۆ وسكەلەڭ ۇرپاقتىڭ ەلىمىزدىڭ مەكتەپكە دەيىنگى مەكەمەلەرىندە, مەكتەپتەرىندە, كوللەدجدەرى مەن جوعارى وقۋ ورىندارىندا سىبايلاس جەمقورلىققا قارسى تاربيەمەن جانە وقىتۋمەن قامتىلعانىن ايتادى. «ادامداردىڭ سىبايلاس جەمقورلىقتان سانالى تۇردە الشاق ءجۇرۋى ماڭىزدى. مۇنداي سەنىم ادامنىڭ ادامگەرشىلىك جانە رۋحاني دامۋى ارقىلى بولۋى مۇمكىن. مەشىت, شىركەۋ, عيباداتحانا, سيناگوگا جانە باسقا دا ءدىني عيماراتتار – بۇل ادامگەرشىلىك تاربيە ورتالىقتارى. ءدىني راسىمدەردى, ۋاعىزداردى ورىنداۋ كەزىندە سىبايلاس جەمقورلىقتىڭ كۇنا ەكەندىگى تۋرالى ۇنەمى ءتۇسىندىرۋدى تاجىريبەگە ەنگىزۋدى سۇراعىم كەلەدى», – دەدى ول ءدىن وكىلدەرىنە.
ايتا كەتەيىك, قازاقستاندا 15 ءدىني ءبىلىم بەرۋ ۇيىمى, مەشىتتەر مەن جەكسەنبىلىك مەكتەپتەر جانىندا 400 باستاۋىش كۋرستارى, ءدىني عيماراتتاردان تىس جەرلەردە ءدىني ءىس-شارالاردى وتكىزۋگە ارنالعان 383 ءۇي-جاي, ءدىني ادەبيەتتەر مەن ءدىني مازمۇنداعى وزگە دە اقپاراتتىق ماتەريالداردى, ءدىني ماقساتتاعى زاتتاردى تاراتۋعا ارنالعان 257 ارنايى تۇراقتى ءۇي-جاي جۇمىس ىستەيدى.
الماتى
