حالىقارالىق قارىم-قاتىناس اۋقىمىن ايشىقتايتىن اپتا

8 جانە 9 ناۋرىزدا ۆاشينگتوندا قازاقستان رەسپۋبليكاسى مەن امەريكا قۇراما شتاتتارى ارا­سىندا جىل سايىنعى ەكىجاقتى ساياسي كونسۋلتاتسيالار بولىپ ءوتتى. بىرنەشە مەم­لە­كەت­تىك ورگاندار وكىل­دەرىنەن تۇراتىن قازاقستاندىق دە­لە­گاتسيانى سىرتقى ىستەر ءمينيسترىنىڭ ورىن­باسارى ق.وماروۆ باستاپ باردى. امەريكالىق جاققا اقش مەملەكەتتىك حاتشىسىنىڭ كومەكشىسى ر.بلەيك باسشىلىق ەتتى. شارانىڭ كۇن ءتارتىبى 2010 جىلعى 12-13 ساۋىردە ۆاشينگتوندا وتەتىن يادرولىق قاۋىپسىزدىك جونىندەگى عالامدىق سامميتكە دايىندىق, ەۋروپاداعى قاۋىپسىزدىك جانە ىنتىماقتاستىق ۇيىمى سام­مي­تىنىڭ مازمۇنىن انىقتاۋ, اۋعان­ستاندى ساياسي تۇ­راق­تاندىرۋ جانە ەكونوميكاسىن قال­پىنا كەلتىرۋ, ساياسي, ەكونوميكالىق, قا­ۋىپسىزدىك جانە ادام قۇ­قىقتارى سالالارىنداعى ىق­پالداستىقتىڭ پەرس­پەك­تيۆالارى سەكىلدى قا­زاق-امەريكان ستراتەگيالىق ارىپتەستىگىنىڭ وزەكتى ماسەلەلەرىن قامتيدى, دەدى كەشەگى وتكەن اپتالىق بري­ فينگتە سىرتقى ىستەر مينيس­تر­لىگىنىڭ رەسمي وكىلى اسقار ابدراحمانوۆ. كەلىسسوزدەردە قازاقستاندىق تاراپتى سىرت­قى ىستەر مينيسترلىگىنىڭ جاۋاپتى حاتشىسى ءراپىل جوشىباەۆ, ال ەستوندىق جاقتى ەكو­نوميكا جانە كوممۋنيكاتسيالار ءمينيسترى يۋحان پارتس باستايدى. رەسمي وكىل سونداي-اق 12 ناۋرىزدا باكۋ قالاسىندا قازاقستان سىرتقى ىستەر ءمينيسترىنىڭ ورىن­باسارى نۇرلان ەرمەكباەۆتىڭ توراعا­لى­عى­مەن ازياداعى ءوزارا ءىس-قيمىل جانە سەنىم شا­را­لارى جونىندەگى كەڭەستىڭ اعا لاۋازىمدى تۇل­عا­لار كوميتەتىنىڭ كەزەكتى وتىرىسى وتەتىنىنەن حاباردار ەتتى. باسقوسۋدىڭ كۇن ءتار­تى­بىندەگى نەگىزگى ماسەلە – وتكىزىلۋى 7-9 ماۋسىمدا ىستام­بۇل­دا جوسپارلانعان ازيا كەڭەسى ەلدەرىنىڭ مەملەكەت جانە ۇكىمەت باسشىلارىنىڭ ءۇشىنشى سامميتىنە دايىندىق بارىسى. سونىمەن قاتار اوسشك-ءنىڭ ارتىقشىلىقتار مەن يممۋني­تەت­تەر جونىندەگى كونۆەنتسياسىنىڭ جوباسىن تال­قى­لاۋ, 3-ءشى ءسامميتتىڭ ساياسي دەكلاراتسياسىنىڭ جوباسى مەن تۇركيانىڭ ازيا كەڭەسىنە 2010-2012 جىلدارى توراعالىق ەتۋ تۇجىرىمداماسىن مۇشە مەملەكەتتەردىڭ نازارىنا ۇسىنۋ سياقتى ءىس-شارالاردى وتكىزۋ جوسپارلانعان. رەسمي وكىل سونداي-اق 14 جانە 15 ناۋرىزدا بوسنيا جانە گەرتسوگوۆينانىڭ سىرتقى ىستەر ءمينيسترى سۆەن الكالايدىڭ قازاقستانعا رەسمي ساپارى جوسپارلانعانىن ايتتى. ساپار بارى­سىن­دا قوناقتىڭ وتاندىق سىرتقى ىستەر ۆەدو­مس­ت­ۆوسى مەن بىرقاتار باسقا دا مەملەكەتتىك ورگاندار, ۇلتتىق كومپانيالار باسشىلىعىمەن كەزدەسۋلەرى جوسپارلانعان. 15 جانە 16 ناۋرىزدا, دەپ جالعادى بري­فينگتى ا.ابدراحمانوۆ, مينسكىدە “ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ايماعىندا شەكارادان ءوتۋ ورىندارىن لايىقتى باسقارۋ, جەرۇستى كولىك تاسىمالدارىنىڭ قاۋىپسىزدىگىن نىعايتۋ, حالىقارالىق اۆتوموبيل جانە تەمىر جول كولىك قاتىناستارىن جەڭىلدەتۋ” اتتى اتالمىش ۇيىمنىڭ 18-ءشى ەكونوميكالىق-ەكولوگيالىق فورۋمىنىڭ ەكىنشى دايىندىق كونفەرەنتسياسى وتەدى. بريفينگ سوڭىندا رەسمي وكىل 15 جانە 17 ناۋرىز ارالىعىندا ەۋروپا كەڭەسى پارلا­مەنت­تىك اسسامبلەياسىنىڭ توراعاسى مەۆليۋت چاۆۋ­شو­ع­لىنىڭ قازاقستانعا ساپارمەن كەلەدى دەپ كۇتىلىپ وتىرعانىن كولدەنەڭ تارتتى. ساپار بارىسىندا ءمار­تەبەلى قوناق ەلىمىزدىڭ جوعارى باس­شى­لى­عىمەن بىرقاتار كەزدەسۋلەر وتكىزەدى دەپ جوس­پارلانعان. انار تولەۋحانقىزى.