ءوڭىر باسشىسى قۇرما تىرەك مەكتەبىنە بارىپ, وقۋ ورنىنىڭ جۇمىسىمەن تانىستى. 2016 جىلى مەكتەپ جاڭا عيماراتقا كوشكەن بولاتىن. وقۋ ورداسى 320 ورىنعا ەسەپتەلگەن. ەندى مۇندا زاماناۋي كىتاپحانا, لينگافون زالى, ءتىپتى روبوتوتەحنيكا كابينەتى دە بار. سونىمەن قاتار مەكتەپ بازاسىندا 50 بالاعا ارنالعان شاعىن ورتالىق اشىلدى.
ەلدى مەكەندەگى ەڭ ءىرى كاسىپورىن - قۇس فابريكاسى. قۇرما اۋىلى رەسپۋبليكالىق تراسسانىڭ بويىندا ورنالاسقان, بۇل اۋىلدا بيزنەستىڭ دامۋىنا زور ىقپالىن تيگىزۋدە. بۇگىنگى تاڭدا مۇندا 35 جۋىق نىسان بار.
ءوڭىر باسشىسىنا مۇندا ەڭ الەۋەتتى كاسىپكەرلىك تاۋاشا – قىزمەت كورسەتۋ سالاسى ەكەنى ايتىلدى.
- ءدال وسى باعىتتى دامىتۋ كەرەك, - دەدى ەرلان قوشانوۆ.
ءوڭىر باسشىسى سونىمەن قاتار وتباسىلىق-دارىگەرلىك امبۋلاتورياعا دا بارىپ قايتتى. ەمدەلۋشىلەردى 2016 جىلى سالىنعان عيماراتتا قابىلدايدى.
بۇگىندە مۇندا 600-گە جۋىق اۋىل تۇرعىنى مەديتسينالىق كومەك الادى.
قۇرما اۋىلى 1962 جىلى قۇرىلدى. بۇگىنگى كۇنى بۇل اۋىل الەۋەتتى ەلدى مەكەندەردىڭ ءبىرى بولىپ تابىلادى. وسى سەكىلدى اۋىلداردى تۇڭعىش پرەزيدەنتتىڭ تاپسىرماسى بويىنشا ءوسۋ نۇكتەلەرىنە اينالدىرۋ قاجەت.
قاراعاندى وبلىسىنىڭ اكىمى وسىنداي ەلدى مەكەندەردى دامىتۋ جۇمىستارىن بارىنشا جانداندىرۋدى تاپسىردى.
