دامۋدىڭ جاڭا كەزەڭى
سەنبى, 4 اقپان 2012 7:50
جاھاندىق داعدارىس قاۋپىنىڭ الدىن الۋعا مۇمكىندىك بەرەتىن, اسا قيىن سىناقتىڭ الدىن الىپ, ەلىمىزدى بيىك بەلەستەرگە كوتەرۋ ماقساتىندا اسا ماڭىزدى جوبالاردى ىسكە اسىرۋ مىندەتىن قويىپ, ونى شەشۋدىڭ جولدارىن ۇسىنعان ەلباسىمىزدىڭ ءوز حالقىنا ارناعان بيىلعى جولداۋى جۇرتشىلىق تاراپىنان ۇلكەن قولداۋعا يە بولىپ وتىر. سونىڭ ىشىندە سوت جانە قۇقىق قورعاۋ جۇيەسىن جاڭعىرتۋ كەرەكتىگى ايتىلعان پرەزيدەنتىمىزدىڭ بيىلعى جولداۋىندا سۋديالاردىڭ سوت تورەلىگىن اتقارۋدا زاڭعا سۇيەنىپ, ار-وجداندى باسشىلىققا الۋ قاجەتتىگىنە باسا نازار اۋدارىلعان.
سەنبى, 4 اقپان 2012 7:50
جاھاندىق داعدارىس قاۋپىنىڭ الدىن الۋعا مۇمكىندىك بەرەتىن, اسا قيىن سىناقتىڭ الدىن الىپ, ەلىمىزدى بيىك بەلەستەرگە كوتەرۋ ماقساتىندا اسا ماڭىزدى جوبالاردى ىسكە اسىرۋ مىندەتىن قويىپ, ونى شەشۋدىڭ جولدارىن ۇسىنعان ەلباسىمىزدىڭ ءوز حالقىنا ارناعان بيىلعى جولداۋى جۇرتشىلىق تاراپىنان ۇلكەن قولداۋعا يە بولىپ وتىر. سونىڭ ىشىندە سوت جانە قۇقىق قورعاۋ جۇيەسىن جاڭعىرتۋ كەرەكتىگى ايتىلعان پرەزيدەنتىمىزدىڭ بيىلعى جولداۋىندا سۋديالاردىڭ سوت تورەلىگىن اتقارۋدا زاڭعا سۇيەنىپ, ار-وجداندى باسشىلىققا الۋ قاجەتتىگىنە باسا نازار اۋدارىلعان. مەملەكەتىمىزدەگى قۇقىقتىق سالانىڭ سەرپىندى دامۋىن قامتاماسىز ەتەتىن, جالپى قۇقىق قورعاۋ جۇيەسىن جاقسارتۋدىڭ بىرنەشە باعىتتارىن كورسەتىپ, ونىڭ ىشىندە سوت جۇيەسىنىڭ قىزمەتكەرلەرىنىڭ مىندەتتەرىنە ەرەكشە توقتالدى. قازىرگى تاڭدا قوعامعا حالىقارالىق ستاندارتتارعا ساي, ەل مۇددەسىن مۇرات تۇتاتىن قۇقىق قورعاۋ جۇيەسىن قالىپتاستىرۋدىڭ قاجەتتىگىنە بۇل جولداۋدا باسا نازار اۋدارىلعان. جاڭا قۇقىقتىق جۇيە ەلىمىزدەگى بارلىق سوت جانە قۇقىق قورعاۋ قۇرىلىمدارىنىڭ جۇمىستارىنىڭ تيىمدىلىگىن ساپالىق دەڭگەيگە كوتەرۋگە, ازاماتتاردى قىلمىستىق قول سۇعۋشىلىقتان قورعاۋعا دەگەن كونستيتۋتسيالىق قۇقىقتارى مەن بوستاندىقتارىنىڭ باسىمدىلىعىن قامتاماسىز ەتۋگە مۇمكىندىك بەرەدى.
تەك قانا تاۋەلسىز سوت – بەيتاراپ ءارى وبەكتيۆتى بولعاندىقتان سۋديالاردىڭ تاۋەلسىزدىگى ءتيىمدى سوت جۇيەسىن قالىپتاستىرۋداعى شەشۋشى شارتتاردىڭ ءبىرى بولىپ تابىلادى.
سۋديالاردىڭ تاۋەلسىزدىگى جالپىعا بىردەي تانىلعان حالىقارالىق ستاندارتتارعا قول جەتكىزۋگە ۇمتىلاتىن كەز كەلگەن مەملەكەتتىڭ دامۋىنىڭ ماڭىزدى كورسەتكىشى بولىپ تابىلادى. ونىڭ نەگىزگى پرينتسيپتەرىن بۇۇ قىلمىستىڭ الدىن الۋ جانە قۇقىق بۇزۋشىلارمەن قارىم-قاتىناس جاساۋ جونىندەگى جەتىنشى كونگرەسى قابىلداعان جانە بۇۇ باس اسسامبلەياسىنىڭ 1985 جىلعى 29 قاراشاداعى 40/32 جانە 1985 جىلعى 13 جەلتوقسانداعى 40/146 قارارلارىمەن, سونداي-اق سۋديالاردىڭ مارتەبەسى تۋرالى زاڭ بويىنشا ەۋروپا حارتياسىمەن ماقۇلدانعان.
تاۋەلسىزدىگىمىزدىڭ العاشقى جىلدارىنان-اق ەلىمىزدەگى سوت جانە قۇقىقتىق رەفورماعا كوڭىل ءبولىپ, وعان باعىت-باعدار بەرىپ كەلە جاتقان ەلباسىمىزدىڭ وسى سالاعا جۇكتەپ وتىرعان مىندەتتەرى دە ايقىن. سول مىندەتتەردىڭ تاعى ءبىر پاراسى پرەزيدەنتىمىزدىڭ بيىلعى جولداۋىندا تاعى دا ايقىن ورىن الدى.
سوۆەتحان ساكەنوۆ, اسا اۋىر قىلمىستىق ىستەر جونىندەگى مامانداندىرىلعان اسكەري سوتتىڭ توراعاسى.
