كەلۋشىلەر نازارىنا ۇسىنىلعان كەسكىندەمە, گرافيكا, مۇسىندەر الۋان ءتۇرلى تاقىرىپتى قامتىعان. ءداستۇرلى ەمەس تەحنيكامەن قاتار سۋرەت سالۋدىڭ اكادەميالىق تاسىلدەرى دە قولدانىلعان ەكسپوناتتاردىڭ باسىم بولىگى تۋعان ولكە تابيعاتىنىڭ سۇلۋلىعىن, ەلىمىزدىڭ مادەنيەتى مەن سالت-ءداستۇرىنىڭ وزىق ۇلگىلەرىن كورسەتۋگە تىرىسقان.
جەرگىلىكتى بالالار ونەر مەكتەبىنىڭ ديرەكتورى زاۋرەش كوجۋحوۆانىڭ ايتۋىنشا, مۇنداي كورمەلەر ساران قالاسىندا ءجيى وتكىزىلىپ تۇرادى ەكەن. «جەلتوقسان ايىندا ساران 65 جاسقا تولادى, ال ءبىزدىڭ مەكتەپ ءوزىنىڭ 60 جىلدىق مەرەيتويىن اتاپ وتپەكشى. قازىرگى تاڭدا مەكتەبىمىزدە 950 بالا وقيدى. ءبىز بۇل كورمەنى سۇيىكتى قالامىز بەن مەكتەبىمىزدىڭ مەرەيتويىنا ارنايمىز», دەيدى ول.
كورمەنى ۇيىمداستىرۋشىلار ۇسىنىلعان شىعارمالاردىڭ قازىرگى زامانعى دۇنيەتانىمدى قالىپتاستىرۋ, كولەمدىك-كەڭىستىكتىك جانە ابستراكتىلى ويلاۋدى دامىتۋ, وسكەلەڭ ۇرپاقتىڭ كوركەمدىك تالعامىن تاربيەلەۋ ىسىندە تاپتىرماس قۇرال ەكەنىنە ەرەكشە ءمان بەردى.
قاراعاندى
