بۇل ەسىم جانكۇيەرلەرگە بۇل ەسىم جاقسى تانىس. الماتىداعى دەنە شىنىقتىرۋ ينستيتۋتىندا وقىپ جۇرگەن كەزىندە الەكساندرا ارتەمەنكو تاۋ شاڭعىسىنان وتكەن كوپتەگەن جارىستاردا جەڭىس تۇعىرىنا كوتەرىلدى. اتاپ ايتساق, كسرو-نىڭ 11 دۇركىن چەمپيونى جانە 21 دۇركىن جۇلدەگەرى, رەسپۋبليكا بىرىنشىلىگىنىڭ 70 دۇركىن جەڭىمپازى اتاندى. وزگە دە ءدۇبىرلى دودالاردا ەل نامىسىن ابىرويلى قورعادى.
الەكساندرا ارتەمەنكو 1956 جىلى يتاليانىڭ كورتينا-د'امپەتستسو قالاسىندا الاۋى تۇتانعان وليمپيا ويىندارىنا قاتىستى. وسىلايشا, ونىڭ ەسىمى قىسقى عالامدىق دوداعا قاتىسقان قازاقستاننىڭ تۇڭعىش سپورتشىسى رەتىندە تاريحتا قالدى.
باپكەرلىك كاسىپتە دە الەكساندرا يۆانوۆنانىڭ باعى جاندى. ول 12 كسرو چەمپيونىن, 18 كسرو حالىقتارى سپارتاكياداسى, جاستار مەن جاسوسپىرىمدەر اراسىنداعى وداق بىرىنشىلىگىنىڭ جەڭىمپازدارى مەن جۇلدەگەرلەرىن جاتتىقتىردى. 32 سپورت شەبەرى مەن كوپتەگەن سپورت شەبەرلىگىنە ۇمىتكەرلەردى تاربيەلەپ شىعاردى.
ايتۋلى جارىستاك الماتى قالاسى, الماتى مەن شىعىس قازاقستان وبلىستارى جانە قىرعىزستان مەن رەسەيدەن كەلگەن 100-دەن اسا تاۋ شاڭعشىلارى باق سىناۋدا. بۇگىن الىپ سلالوم جاتتىعۋى بويىنشا العاشقى جەڭىمپازدار انىقتالدى. 2005-2010 جىلدارى تۋعان قىزدار اراسىندا ەۆگەنيا بىچكوۆا, ارۋحانىم جايدارى, كسەنيا بەرەجنايا ۇزدىك ۇشتىكتىڭ قاتارىنان كورىنسە, ۇلدار سايىسىندا داۆيد قاشقاروۆ, رومان سمولەيچۋك جانە دجەيمس دەيۆان دارا شىقتى. ال ارداگەرلەر مەن اۋەسقويلار اراسىنداعى باسەكەدە كسرو سپورت شەبەرى, كسرو جانە قازاقستان چەمپيونى, قارۋلى كۇشتەر بىرىنشىلىگىنىڭ جۇلدەگەرى, 1985 جىلعى «كۇمىس ەدەلۆەيس» ءتۋرنيرىنىڭ جەڭىمپازى ۆلاديمير كۋچين قارسىلاس شاق كەلتىرمەدى. ەكىنشى جانە ءۇشىنشى ورىنداردى رۋستام ىسقاقوۆ پەن ۆلاديمير دميتريەنكو يەلەندى.
