2018-ءشى جىلدىڭ قاراشا ايىندا وسى جەردە ورنالاسقان 6 ءۇيدى اينالا بيىكتىگى ەكى مەترلىك تەمىر دۋال قويىلعان. ء بىر قىزىعى, قورشاۋدى ورناتپاس بۇرىن جەرگىلىكتى بيلىك وكىلدەرى باسپانا يەلەرىمەن بىرنەشە مارتە كەزدەسىپ, كەلىسىمدەرىن العان كورىنەدى.
«تەمىر دۋال ورناتىلعالى كۇننىڭ كوزىن كورۋدەن قالدىق. ونىڭ ۇستىنە ماڭايعا قاڭعىباستار قاپتاپ كەتتى. ىشىمدىك ءىشىپ, اۋلانى قوقىسقا تولتىردى. شەنەۋنىكتەر قۇرىلىس ۇناماسا الىپ تاستايمىز دەگەن ۋادەلەرىنەن اينىپ وتىر. قالالىق اكىمدىككە شاعىمدانىپ ەدىك, قورشاۋدى الىپ تاستاي المايمىز دەگەن جاۋاپ كەلدى», دەيدى تۇرعىنداردىڭ ءبىرى ميحايل كوشەلەۆ.
وسى ماسەلە بويىنشا ارىزدانعان ساپار سۇلەيمەنوۆكە دە وسىنداي شىعارىپسالما جاۋاپ بەرىلىپتى. حاتتا شاھاردىڭ ساندىگى ءۇشىن قويىلعان قورشاۋ الىنبايدى دەپ تايعا تاڭبا باسقانداي جازىلىپتى. تۇرعىنداردىڭ ايتۋلارىنشا, ماسكۇنەمدەر تاڭەرتەڭگى ساعات 8-دە اشىلاتىن ءدارىحانادان تەحنيكالىق سپيرت الىپ, كەش باتقانشا وسى جەردە «مەيرامداپ», تىنىشتىق بەرمەيتىن كورىنەدى. ەڭ قيىنى, كولونكا سىنىپ قالىپ, «قىزلجار سۋ كاسىپورنىنىڭ ماماندارى اۋلاعا كىرە الماعان جايتتار بىرنەشە رەت كەزدەسىپتى.
تۇرعىن ءۇي, كوممۋنالدىق شارۋاشىلىق ءبولىمىنىڭ قىزمەتكەرلەرى قورشاۋ قالانى اباتتاندىرۋ نەگىزىندە قويىلعانىن العا تارتادى. تۇرعىندار مەملەكەت مۇلكىن ءوز كۇشتەرىمەن الىپ تاستاسا, زاڭ الدىندا جاۋاپ بەرەدى. تۇرعىلىقتى مەكەن-جايى جوق ادامدار ماسەلەسىمەن ءتارتىپ ساقشىلارى اينالىساتىنىن, قوقىس ءبىر-ەكى كۇندە تازارتىلاتىنىن ايتادى.
قالالىق ءماسليحاتتىڭ دەپۋتاتى پاۆەل افاناسەۆتىڭ ۇستانىمى مۇلدەم باسقاشا.
«تۇرعىندار ازاماتتىڭ كودەكستىڭ 9-بابى بويىنشا ءوز قۇقىقتارىن قورعاي الادى. ياعني, ازاماتتار ەشكىمنىڭ رۇقساتىنسىز قورشاۋدى بۇزۋعا قۇقىلى. ول ءۇشىن الدىمەن قاڭىلتىر مەن تەمىر باعانالاردى كەسىپ الىپ, ءۇي اۋلاسىنا جيناپ قويۋ كەرەك. سوسىن ول تۋرالى قالالىق اكىمدىك وكىلدەرىنە حابارلاعان ءجون. بۇل ءۇشىن ەشقانداي ايىپپۇل سالىنبايدى. ويتكەنى, زاڭ بويىنشا باسپانا يەلەرى عانا وزدەرىنىڭ اۋماقتارىن قورشاۋعا ءتيىس. اكىمدىك ول نىسانداردىڭ ماڭىنا دۋال قويا المايدى. ءۇي ماڭىنا ورناتىلاتىن قورشاۋ ءتۇرلى-ءتۇستى, ارالارى اشىق جانە بيىك بولماۋى, قىزمەتتىك كولىكتەردىڭ كىرىپ-شىعۋىنا كەدەرگى كەلتىرمەۋى كەرەك. بۇل تالاپتار ساقتالماعان», دەيدى بىلىكتى زاڭگەر.
سولتۇستىك قازاقستان وبلىسى
