وقيعا وياتقان وي
جۇما, 27 قاڭتار 2012 7:17
كەشە گازەتتە قازاقستان رەسپۋبليكاسى باس پروكۋرورىنىڭ 2011 جىلعى 16 جەلتوقساندا جاڭاوزەن قالاسىندا ورىن العان وقيعاعا قاتىستى ءمالىمدەمەسى جاريالانعانى بەلگىلى. سوعان بايلانىستى رەداكتسياعا ەلىمىز ءوڭىرلەرىنەن كوپتەگەن پىكىرلەر كەلىپ تۇسۋدە. ولاردىڭ نەگىزگى ايتار ويى مەن مازمۇنى جاڭاوزەندەگى تارتىپسىزدىك سەبەپتەرىنىڭ جان-جاقتى تەرەڭ زەرتتەلىپ جاتقانىنا رازىلىق, بۇل وقيعادان ساباق الۋ قاجەتتىگى, ەلباسىنىڭ وسى پروبلەمانى شەشۋدەگى ەرەكشە ءرولى, جۇمىس بەرۋشىلەردىڭ جاۋاپكەرشىلىگى, زاڭدىلىقتىڭ ساقتالۋ قاجەتتىگىنە كەلىپ سايۋدا.
جۇما, 27 قاڭتار 2012 7:17
كەشە گازەتتە قازاقستان رەسپۋبليكاسى باس پروكۋرورىنىڭ 2011 جىلعى 16 جەلتوقساندا جاڭاوزەن قالاسىندا ورىن العان وقيعاعا قاتىستى ءمالىمدەمەسى جاريالانعانى بەلگىلى. سوعان بايلانىستى رەداكتسياعا ەلىمىز ءوڭىرلەرىنەن كوپتەگەن پىكىرلەر كەلىپ تۇسۋدە. ولاردىڭ نەگىزگى ايتار ويى مەن مازمۇنى جاڭاوزەندەگى تارتىپسىزدىك سەبەپتەرىنىڭ جان-جاقتى تەرەڭ زەرتتەلىپ جاتقانىنا رازىلىق, بۇل وقيعادان ساباق الۋ قاجەتتىگى, ەلباسىنىڭ وسى پروبلەمانى شەشۋدەگى ەرەكشە ءرولى, جۇمىس بەرۋشىلەردىڭ جاۋاپكەرشىلىگى, زاڭدىلىقتىڭ ساقتالۋ قاجەتتىگىنە كەلىپ سايۋدا.
___________________________________
حالىق قاشاندا ادىلدىك جاعىندا
بۇرناعى كۇنى قازاقستان رەسپۋبليكاسى باس پروكۋرورىنىڭ 2011 جىلعى 16 جەلتوقساندا جاڭاوزەن قالاسىندا ورىن العان وقيعاعا قاتىستى مالىمدەمەسىن تەلەديداردان تىڭدادىم. وندا اتالمىش شاھارداعى تاۋەلسىزدىك مەرەكەسىن تويلاۋ كەزىندە ورىن العان جاپپاي تارتىپسىزدىككە بايلانىستى تەرگەۋ جۇمىستارىنىڭ بارىسى جان-جاقتى ايتىلدى. تىڭداپ وتىرىپ, ەرىكسىز ويعا قالادى ەكەنسىڭ.
جاڭاوزەندەگى تارتىپسىزدىكتى ۇيىمداستىرعانداردىڭ اتتارى اتالىپ, ولار زاڭ جۇزىندە جاۋاپ بەرىپ جاتىر ەكەن. بۇعان دەيىن بارشانى الاڭداتقان كەلەڭسىزدىككە بايلانىستى ەلباسىنىڭ ماڭعىستاۋ ءوڭىرىنە ساپارىنان سوڭ حالىقتىڭ جابىرقاعان كوڭىلى ءسال بولسا دا باسىلعانداي بولادى ماعان. وسىدان-اق ەلىمىزدەگى قاراپايىم حالىقتىڭ تاعدىرى مەن مۇڭ-مۇقتاجى قاشاندا پرەزيدەنت نازارىندا ەكەنىنە كوز جەتكىزسەك, ەندى ءماسەلەنىڭ اق-قاراسى جىپكە تىزگەندەي انىقتالعالى وتىر.
قىلمىستىق وقيعاعا بايلانىستى زاڭ ورىندارى جۇرگىزگەن الدىن الا تەرگەۋ بارىسىندا كوپتەگەن ماسەلەلەردىڭ بەتى اشىلعانى وعان دالەل بولادى. قاقتىعىس كەزىندە قازا بولعاندار مەن جاراقات العاندار سانى, سۋىق قارۋدى قولدانۋدىڭ زاڭ اۋقىمىندا بولۋ, بولماۋى ناقتىلانۋدا. سونىمەن قاتار ونداعى ىشكى ىستەر باسقارماسىنىڭ كەيبىر قىزمەتكەرلەرىنىڭ لاۋازىمدىق وكىلەتتىلىگىن اسىرا پايدالانۋ جايى دا دايەكتەلىپ, قىلمىستىق جاۋاپكەرشىلىككە تارتىلعانى تەرگەۋ امالدارىنىڭ ناقتىلىعىن ايعاقتايدى.
مۇنايشىلاردىڭ جۇمىستان زاڭسىز بوساتىلۋى مەن تۇرعىندارعا الەۋمەتتىك قولداۋ كورسەتۋگە ارنالعان قوردى جىمقىرعانداردىڭ دا ەسىمدەرى اتالىپتى. وسىعان قاراپ, حالىقتىڭ اشۋ-ىزاسىن تۋدىرعان ماسەلەلەردىڭ نەگىزىن تاپقانداي بولاسىڭ.
«حالىق كەلىپ, كەتكەندى سىيلامايدى, ءيىلىپ قىزمەت ەتكەندى سىيلايدى», دەگەن عوي. مىنە, جاپپاي تارتىپسىزدىكتى ۇيىمداستىرىپ, عيماراتتاردى ورتەپ, توناعاندار جانە كوپشىلىكتىڭ يگىلىگىنە قول سۇققاندار ايگىلەندى. بۇل ارينە وكىنىشتى. دەمەك, تەرگەۋ ءادىل باستالىپ, ونىڭ سوڭى كىنالىلەردىڭ زاڭ الدىندا قاتاڭ جازالانۋىمەن اياقتالاتىنى ءسوزسىز. كىم دە بولسىن ءوز ارەكەتىنە قاراي جاۋاپ بەرۋى ءتيىس. بۇل مەنىڭ كوپتى كورگەن ادام رەتىندەگى پىكىرىم.
جولسەيىت مولداسانوۆ, ەڭبەك ەرى.
الماتى وبلىسى.
