ال بۇل جولى ۇعا اكادەميگى كەزەكتى ەسەبىنىڭ شەشىمىن تاپقان سۇلەيمەن دەميرەل اتىنداعى ۋنيۆەرسيتەتتىڭ 1 كۋرس ستۋدەنتى ءجانيا كەڭەسوۆاعا 100 اقش دوللارىن ۇسىندى. اكادەميكتىڭ جاسىرعان ەسەبى – ازايتۋ امالىنىڭ تەپە-تەڭدىك دارەجەسىن ەسەپتەۋ بولسا, ءجانيا سول ەسەپتىڭ بەسىنشى دارەجەلى تەپە-تەڭدىگىنە شەشىم تاپتى. ازايتۋ امالىنىڭ كەلەسى زاڭدىلىعىن تابۋعا اكادەميك 500 اقش دوللارىن تىگىپ وتىر.
– مەن جاستارعا تاپسىرعان ەسەپتىڭ بىردە-بىرەۋىنىڭ شەشىمىن بىلمەيمىن. سوندىقتان ونى جاستارعا جاسىرامىن. جالپى, ەسەپتىڭ شەشىمىن تابۋعا ارقالاي ۋاقىت كەتەدى. ءجانيا كەڭەسوۆا بۇل ەسەپتىڭ شەشىمىن ءبىر اپتانىڭ ىشىندە تاپتى. بىراق جەڭىلدەۋ بولسىن دەپ تاپسىرمانى اسا قاتتى قيىنداتپادىم. ماقساتىم – بالالاردىڭ ىزدەنىسكە دەگەن قۇشتارلىعىن ارتتىرۋ, بۇل ازايتۋ امالىنىڭ زاڭدارى عوي. بارلىعى قوسۋ امالدارىن كوبىرەك بىلەدى, ازايتۋ امالىن ەشكىم زەرتتەمەگەن. سونى بالالارعا ادەيى بەردىم, كورسىن دەپ, ءۇيرەنسىن دەگەن نيەتپەن. ەسەپتى شەشۋگە ون شاقتى بالا باق سىناپ كوردى, ال وسى قىزىمىزدىڭ ۇسىنعان شەشىمى جاڭا زاڭدىلىق بولدى, بەسىنشى ءدارەجەلى تەپە-تەڭدىكتىڭ شەشىمىن تاپتى, – دەيدى اكادەميك.
ول سوڭعى جىلدارى جاستاردىڭ ماتەماتيكا عىلىمىنا قىزىعۋشىلىعى ءتومەندەگەنىنە عالىم رەتىندە قىنجىلاتىنىن ايتادى. سوندىقتان جاستاردى قۇلشىندىرا ءتۇسۋ ءۇشىن وسىنداي بايقاۋ ۇيىمداستىرىپ, ءوز ەسەبىنەن ىنتالى, تالانتتى ستۋدەنتتەرگە ارنايى سىيلىق تاعايىنداۋدى جالعاستىرىپ كەلەدى.
ايناش ەسالي,
«Egemen Qazaqstan»
الماتى
