بۇل كورمەنىڭ دەڭگەيى وتە جوعارى, كانادا, بريتانيا, برازيليا, ارگەنتينا, گەرمانيا, قىتاي, وڭتۇستىك كورەيا, جاپونيا سياقتى ەكونوميكاسى دامىعان مەملەكەتتەردىڭ ەڭ ۇزدىك ءىرى كومپانيالارى, بيزنەسسمەندەرى, ەكسپورت-يمپورت كومپانيالارىنىڭ توپ مەنەدجەرلەرى قاتىستى.
«وتاندىق ءوندىرۋشى بۇل كورمەگە اپارعان قۇرعاتىلعان بيە ءسۇتى SAUMAL مەن ءدال سولاي قۇرعاتىلعان تۇيە ءسۇتى SAUBOTA-نى ۇسىندى. سول كورمەدەگى كەلىسسوزدەر نەگىزىندە, بۇدان بىلاي اتالعان وتاندىق ونىمدەر امەريكانىڭ الەمگە ايگىلى AMAZON ينتەرنەت دۇكەنىندە ساتىلاتىن بولدى. ءبىزدىڭ وتاندىق ءونىمدى امەريكانىڭ كاساپكەرلەرى وتە جاقسى قارسى الدى. بۇرىن سوڭدى ەستىمەگەن, كورمەگەن ۇنتاق تۇرىندە شىعارىلاتىن تابيعي ءونىم امەريكالىقتار ءۇشىن سونى جاڭالىق بولدى», دەيدى كومپانيا وكىلدەرى.
كورمە بارىسىندا كوپتەگەن حالىقارالىق بيزنەسس كومپانيالارمەن كەلىس-ءسوز جۇرگىزىپ SAUMAL مەن SAUBOTA-نىڭ ەكسپورتتاۋ مۇمكىنشىلىكتەرىن كەلەسى قادامعا شىعاردى.
«الداعى ۋاقىتتا امەريكانىڭ ءىرى كاسىپكەر كومپانيالارىمەن بىرلەسە وتىرىپ, امەريكانىڭ FDA سەرتيفيكاتىن الۋعا ارەكەتتەر جاسالىپ جاتىر. ەگەر بۇل ماسەلە وڭتايلى شەشىلسە, ءبىز ۇلكەن كولەمدە ەكسپورتتاۋعا امەريكانىڭ مەملەكەتتىك مەكەمەلەرىنەن رۇقسات الۋعا مۇمكىندىك بولادى», دەيدى كومپانيا وكىلى.
