جەڭىل سالماقتاعى ەڭ ۇزدىك سەگىز سپورتشىنىڭ باسىن قوسقان جارىس جاپونيانىڭ استاناسى – توكيودا ءوتتى. شيرەك فينالىندا قايرات احمەتوۆ اۆستراليالىق ريس ماكلارەنمەن شەبەرلىك بايقاستى. 31 جاستاعى قانداسىمىزدىڭ قانداي قارۋلى ەكەنىن جانكۇيەرلەر جاقسى بىلەدى. ءوزىنىڭ سپورتتىق كارەراسىندا قايرات 25 جەكپە-جەك وتكىزىپ, 23 مارتە جەڭىسكە جەتتى. كەزىندە ول وسى ۇيىمنىڭ چەمپيونى دا بولدى. 27 جاستاعى ماكلارەن دە وسال سپورتشى ەمەس. جاسىل قۇرلىقتىڭ وكىلى 18 كەزدەسۋدىڭ 12-ءسىن ءوز پايداسىنا شەشكەن. ءۇش راۋندقا سوزىلعان بۇل باسەكەدە ۇپاي سانىمەن جەڭىسكە جەتكەن احمەتوۆ جارتىلاي فينالعا شىقتى.
ءسوز ورايى كەلگەندە, وسى ءتۋرنيردىڭ باستى ءفاۆوريتى – 32 جاستاعى دەمەتريۋس دجونسون ەكەنىن ايتا كەتۋگە ءتيىسپىز. 2012 جىلى UFC-ءدىڭ تەڭدەسسىزى اتانعان اقش-تىڭ وكىلى وزىنە تيەسىلى چەمپيوندىق اتاقتى 2018 جىلعا دەيىن 11 مارتە ءساتتى قورعاعان.
