قازاقستان • 31 ناۋرىز، 2019

وزبەكستانداعى قازاقستان جىلىنا وراي 130 شاقىرىمدىق ۆەلوشەرۋ ءوتتى

1300 رەت كورسەتىلدى

شىمكەنت قالاسىنىڭ əكىمدىگى، قالالىق دەنە شىنىقتىرۋ جəنە سپورت باسقارماسى مەن شىمكەنت قالاسىنىڭ ۆەلوسپورت فەدەراتسياسىنىڭ ۇيىمداستىرۋىمەن وزبەكستانداعى قازاقستان جىلىنا ارنالعان حالىقارالىق ۆەلوشەرۋ ءوتتى. ۆەلومارافونعا قاتىسۋشىلار شىمكەنت–تاشكەنت باعىتى بويىنشا 130 شاقىرىمدى ءجۇرىپ ءوتتى. يگى داستۇرگە اينالعان ۆەلوشەرۋ بيىل ەكىنشى رەت وتكىزىلدى.


شىمكەنت، ءال-فارابي الاڭى. تاعى 07:45 ساعات. بۇلار ۆەلوسپيدەتتى جانىنا سەرىك ەتكەندەر. ولار ءۇشىن دەمالىس - ۆەلوسيپەد تىزگىنىنە وتىرۋ. كوزدەگەن جەرىنە وسى ەكولوگيالىق زالالسىز كولىك قۇرالىمەن جەتۋ. ۇجىمداسىپ نەشە جۇزدەگەن شاقىرىمداردى باعىندىرۋ.

 

بۇل شىمكەنت قالاسىنىڭ əكىمدىگى، قالالىق دەنە شىنىقتىرۋ جəنە سپورت باسقارماسى مەن شىمكەنت قالاسىنىڭ ۆەلوسپورت فەدەراتسياسىنىڭ ۇيىمداستىرۋىمەن وزبەكستانداعى قازاقستان جىلىنا ارنالعان حالىقارالىق ۆەلوشەرۋ.  


سالاۋاتتى ءومىر سالتىن ناسيحاتتاعان شارانىڭ اشىلۋ راسىمىنە شىمكەنت قالاسى اكىمىنىڭ ورىنباسارى دانات جۇمين قاتىسىپ،  ۆەلوسپورتشىلارعا ساتتىلىك تىلەدى.

«شاھارىمىزدا ۆەلوسپورت جاقسى دامىپ كەلەدى. كۇن وتكەن  سايىن «Shymkent Bike» ۆەلوسيپەدتەرىن پايدالانۋشىلاردىڭ قاتارى ارتا تۇسۋدە. قازىردىڭ وزىندە قالا كوشەلەرىندە 39-دان استام  ۆەلوستانتسيا جۇمىس ىستەپ تۇر. الداعى ۋاقىتتا بۇلاردىڭ قاتارى تولىعاتىن بولادى. وسى رەتكى سپورتتىق شارانىڭ كوزدەگەنى دە ەكولوگيالىق زيانى جوق كولىك تۇرىمەن ازاماتتاردى دوستاستىرۋ. ءارى، قازاق-وزبەك ەكى ەل قارىم-قاتىناسىن سپورت، تۋريزم ارقىلى دامىتا ءتۇسۋدى كوزدەيدى»، دەدى دانات جۇمين.                      


اتالعان دوستىق شەرۋىنە الماتى قالاسىنان ارنايى ۆەلوسپورت فەدەراتسياسىنىڭ ۆيتسە-پرەزيدەنتى رايمبەك باتالوۆ قاتىسىپ، ۆەلومادەنيەتتى دامىتۋدا ءىرى مەگاپوليستەردە وسىنداي ءىس-شارالاردىڭ ءجيى ۇيىمداستىرىلىپ تۇرعانى قۋانتاتىندىعىن جەتكىزدى.

ءارى، ءوزى باس بولىپ تاشكەنت قالاسىنا دەيىن شەرۋدى جالعاستىردى.  


ستارت بەلگىسىنەن 200-دەن استام ۆەلوشاباندوز تاشكەنت قالاسىنا اتتاندى. ۆەلومارافوندا تمد ەلدەرىنىڭ 11 جاستان 80 جاسقا دەيىنگى 200-دەن استام اۋەسقوي ۆەلوشاباندوزدارى باق سىنادى. 


جارىسقا قاتىسۋشىلاردىڭ كوبىسى تەك اۋەسقويلار. ولار بوس ۋاقىتىندا قالا سىرتىنا، ءىرى حالىقارالىق اۆتوبانداردا جاتتىعۋ جاسايدى. كۇندەلىكتى شاھار ىشىندەگى ارنايى ۆەلوجولداردا ءجۇرۋدى داعدىعا اينالدىرعان.

 

شىمكەنتتىڭ شىعا بەرىس قاقپاسى. قاتىسۋشىلار جىلدامدىقتى ءبىر قالىپتا ۇستاپ وتىرامىز دەيدى.  سەبەبى ، ۇزاق باعىتتاردا كۇشتى كەزەڭ-كەزەڭىمەن ءبولىپ پايدالانادى ەكەن.


وزدەرىمەن بىرگە الىپ جۇرگەن قۋاتتى تاعامدار مەن سۋسىنداردى ۆەلوسيپەد تىزگىنىندە وتىرىپ-اق ازىق ەتە بەرەدى. ءسال كىدىرىپ، بوساڭسىسا سەرىكتەستەرىنەن قالىپ قويادى. ءارى، قىزىۋ قيمىلداعى بابىن جوعالتىپ الادى، دەيدى ۇيىمداستىرۋشىلار.   


ۆەلوشەرۋدىڭ باستى كوركى قوس ادامدىق تاندەمدە بولدى.   بۇل - بىرىنەن كەيىن ءبىرى وتىراتىن بىرنەشە نەمەسە كوپ جاعدايدا ەكى ادامعا ارنالعان ۆەلوسيپەد. ادەتتەگى تاندەمنىڭ ءبىر راماسى جانە ەكى دوڭعالاعى بار، الايدا ءار ادامنىڭ وزىنە تيەسىلى ۆەلوسيپەد مەڭگەرىگى، ورىندىعى جانە تەپكىسى بولادى. كوبىنە ەكى ادامدىق تاندەمنىڭ ۇزىندىعى 240 سم بولسا، سالماعى 15 - 20 كگ - دى قۇرايدى. ەگەر، ادام ۆەلوسيپەدتى باسقارماعان جاعدايدا مەڭگەرىكتى تايانىش رەتىندە قولدانادى. ەكى ادام دا تاندەمنىڭ تەجەۋ جۇيەسىن باسقارا الادى.

 

جارىس جولىنىڭ 30 شاقىرىمى. جازىق جول بولىگىندە ۋاقىتتان ۇتۋ ءۇشىن قارقىنىن ۇدەتە تۇسۋدە. 

شىمكەنت قالالىق مادەنيەت ءۇيى" مكقك ديرەكتورى سامات ەسبولوۆ قازىعۇرت اسۋىندا. ەكىنشى جىل قاتارىنان تاشكەنت پەن شىمكەنت اراسىنداعى  باعىتتى باعىندىرعان. دەمالىس كۇندەرى ۆەلوسپورتپەن اينالىسۋدى جانىنا سەرىك ەتكەن.

بىلتىرعى قازاقستانداعى وزبەكستان جىلىنا وراي وتكەن ۆەلوشەرۋدىڭ ۇيمداستىرۋشىلارىنىڭ ءبىرى. 

جارىس جولىنىڭ ەڭ قيىن كەزەڭى. قازىعۇرت اسۋى. شاھاردان شىققان ۆەلوشەرۋشىلەر وسى اسۋدىڭ توبەسىندە از كەم دەم باسىپ، قايتا ۆەلوسيپەتتەرىنە وتىردى. 


ۆەلوسپورتتى جانى سۇيەتىن قالا تۇرعىنى - Rixos Khadisha Shymkent قوناقۇيىنىڭ ساۋدا جانە ماركەتينگ جونىندەگى ديرەكتورى ابدۋلازيز يۋلداشەۆ. «قاربالاس جۇمىس كۇنىنە قاراماستان حالىقارالىق شاراعا قاتىسىپ، ءبىر بەلەستى باعىندىرۋعا كەلدىم»، دەيدى.

 

قازىعۇرت اۋدانىنىڭ سىرتىنداعى شىمكەنت-تاشكەنت حالىقارالىق اۆتوجولى. 


ۆەلومارافونعا قاتىسۋشىلار شىمكەنت–تاشكەنت باعىتى بويىنشا 130 شاقىرىمدى ءجۇرىپ ءوتتى. يگى داستۇرگە اينالعان ۆەلوشەرۋ بيىل ەكىنشى رەت وتكىزىلدى.

شىمكەنتتەگى Əل-فارابي الاڭىنان باستاۋ العان ۆەلوشەرۋ قازىعۇرت، سارىاعاش اۋداندارىن باسىپ ءوتىپ، «جىبەك جولى» كەدەن بەكەتى ارقىلى وزبەكستان استاناسى - تاشكەنت قالاسىنا كەلىپ جەتتى.

 

ۆەلومارافونعا تمد ەلدەرىنىڭ 11 جاستان 80 جاسقا دەيىنگى 200-دەن استام اۋەسقوي ۆەلوشاباندوزدارى قاتىسىپ، قوس ەل اراسىنداعى 130،6 شاقىرىمدى 5 ساعات 24 مينۋتتا باعىندىردى.   


جول بويى تاشكەنت تۇرعىندارى دوستىق شەرۋىنە زور قوشەمەت كورسەتتى. وزبەستانداعى باق وكىلدەرى مەن تاشكەنت قالاسى اكىمدىگىنىڭ ءباسپاسوز قىزمەتى حالىقارالىق ءىس-شاراعا اقپاراتتىق قولداۋ كورسەتتى


ءFinىsh-كە ساناۋلى ءسات قالعان شاق. ۆەلومارافونشىلاردى «جىبەك جولى» كەدەن بەكەتىنەن باستاپ، وزبەكستان جول كولىك پوليتسەيلەرى ارنايى تاشكەنتتىڭ ورتالىق كوشەلەرىمەن باستاپ كەلەدى. 


تاڭمەن تالاسا تۇرعان ۋاقىت پەن كۇش-جىگەردىڭ وتەلگەن ءساتى. جەڭىس ءدامىن سەزىنگەن شاق.  


«بىلتىر قازاقستانداعى وزبەكستان جىلى باۋىرلاس قوس ەلدىڭ ەكى جاقتى قارىم-قاتىناسىنىڭ دامي تۇسۋىنە ۇلكەن سەپ بولدى. اتاۋلى  جىل اياسىندا 200-گە تارتا شارا ۇيىمداستىرىلدى. 2018 جىلى جۇزەگە اسقان بۇل باستاما تاراپتار اراسىنداعى ءتۇرلى باعىت بويىنشا ارىپتەستىك ورناتۋعا جول اشىپ، بيزنەسپەن قاتار، عىلىمي بايلانىستى ارتتىرۋعا كومەكتەستى. قوس ەل شەكاراسىنداعى كورشىلەس قالالاردىڭ ىسكەرلىك بايلانىستارى ارتىپ، بىلتىر شىمكەنت قالاسىندا وتكەن بيزنەس-فورۋمدا  ەكى ەلدىڭ تۋريزم باعىتىندا جاسالعان جۇمىستارى قورىتىندىلاندى. سونداي-اق ورتالىق ازيانىڭ تۋريستىك ونىمدەرىن رەسەي، ەۋروپا ەلدەرىنە شىعارۋ جانە وڭىرگە كەلەتىن ساياحاتشىلار اعىنىن ەسەلەۋ ماسەلەلەرى تالقىلانعان بولاتىن. اتالعان ىسكەرلىك قارىم-قاتىناستاردىڭ دامۋىنا ەلباسى نۇرسۇلتان نازارباەۆ پەن وزبەكستان پرەزيدەنتى شاۆكات ميرزياەۆتىڭ سىڭىرگەن ەڭبەگى ەرەن. وسى ورايدا ەلشىلىك اتىنان بارشا ۆەلومارافونشىلاردى وزبەكستانداعى قازاقستان جىلىمەن جانە جەڭىستەرىمەن قۇتتىقتايمىن»، دەدى وزبەكستانداعى توتەنشە جانە وكىلەتتى ەلشى.

 

ۆەلوشەرۋشىلەر بەلگىلەنگەن مەجە تاشكەنت قالاسىنداعى قازاقستان رەسپۋبليكاسىنىڭ ەلشىلىگى عيماراتىنىڭ الدىنداعى مارە سىزىعىن كەسىپ ءوتتى. 


 بارشا قاتىسۋشىلاردى ەلىمىزدىڭ وزبەكستانداعى توتەنشە جانە وكىلەتتى ەلشىسى دارحان ساتىبالدى قارسى الىپ، جەڭىمپازداردى ماراپاتتالدى.

 

شىمكەنت پەن تاشكەنت اراسىندا تۋريزم مەن سپورتتى جانىنا سەرىك ەتكەن  سپورتشىلار سالاۋاتتى ءومىر سالتىن ناسيحاتتاپ قانا قويماي، تاريحى تامىرلاس مەملەكەتتەر اراسىنداعى ماڭگىلىك دوستىق پەن ىنتىماقتاستىقتى بەكەمدەي ءتۇستى.

 

فوتو: ماقسات شاعىرباەۆ.



سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار