پروكۋراتۋرانىڭ مالىمەتتەرى بويىنشا, ينتەرناتتا اتا-انانىڭ قامقورلىعىنسىز قالعان 98 بالا بار. پروكۋرورلار مۇگەدەك بالالارعا قاتىستى تاربيەشىلەردىڭ قاتىگەزدىك كورسەتىپ, كۇش قولدانعانىن انىقتادى. ينتەرنات تاربيەشىلەرى بالالاردى ۇزاق ۋاقىت بويى ۇرىپ-سوعىپ, جۇمىسقا ماجبۇرلەگەن بولىپ شىقتى.
سەنات باسشىسى بالالار ۇيىندەگى تاربيەلەنۋشىلەرگە قاتىگەزدىك كورسەتكەن كىنالى ادامدار زاڭعا سايكەس قاتاڭ جازالانۋى ءتيىس, دەپ ەسەپتەيدى. «ءبىز قورعانىشى جوق مۇگەدەك بالالارعا قاتىستى ادامگەرشىلىككە جاتپايتىن ارەكەتتەرگە اشۋ-ىزا بىلدىرەمىز. بۇل ينتەرناتتاعى بالالاردىڭ ءومىرى تۇبەگەيلى وزگەرۋى كەرەك دەپ سانايمىن. ول ءبىزدىڭ نازارىمىزدا بولادى. مۇنداي جاعدايلار الەۋمەتتىك قىزمەتتەردىڭ ولقىلىقتارى دەپ بىلەمىن», - دەدى د.نازارباەۆا.
بۇل دەرەك جوعارعى پالاتا دەپۋتاتتارىنىڭ ەرەكشە باقىلاۋىندا بولادى.
