MY WIN جوباسى الماتى ترياتلون فەدەراتسياسىنىڭ قولداۋىمەن ءChampىon جەكە قايىرىمدىلىق قورىمەن امالعا اسىرىلۋدى.
– بۇل شارانىڭ ماقساتى – بالالار ۇيلەرىنىڭ تاربيەلەنۋشىلەرىنە, مۇگەدەك جانە تۇرمىسى تومەن وتباسىلاردان شىققان بالالارعا سپورتتىق ءىس-شارالارعا قاتىسۋ مۇمكىندىكتەرىن تۋدىرۋ بولىپ وتىر.
وسى ارقىلى ولار قوعامعا قاجەتتىلىكتى سەزىنىپ, وزىنە سەنىمدى بولىپ وسەدى. 2018 جىلى وسى جوبانىڭ ەكى كەزەڭىن وتكىزىپ ۇلگىردىك. ءۇش اي بويى, كۇن سايىن باپكەرلەرىمىز – ەۆگەني ازارەۆ (جۇزۋدەن قر سش, Ironman), دميتري حان (جۇزۋدەن قر سش, Ironman), الەكساندر مەن (جۇزۋدەن قر سش) – بالالارعا تەگىن تۇردە ترياتلوننىڭ قىر-سىرىن ۇيرەتتى. ءبىز ەكى چەمپيونات وتكىزىپ, وسى جارىستاردىڭ قورىتىندىسى بويىنشا بارلىق بالالار ء(اربىر چەمپيوناتتا 120 بالادان) جۇلدەلەرگە يە بولدى. جەڭىمپازدار ۆەلوسيپەدتەرگە يە بولدى ءارى جازعى ساۋىقتىرۋ لاگەرلەرىنە بارادى, – دەيدى Champ1on قورىنىڭ پرەزيدەنتى ليۋبوۆ پاك.
بيىلعى جىلى باپكەرلەر قۇرامى تاعىدا ءتورت ترياتلون شەبەرىمەن تولىقتى. بالالارعا كومەك كورسەتۋگە World Class Almaty باپكەرلەرى وزدىگىمەن قوسىلدى. بۇلار – جۇزۋدەن حالىقارالىق دەڭگەيدەگى سپور شەبەرى يۋليا سينيتسىنا, سۋ دوبىنان سپورت شەبەرىنە ۇمىتكەر ەدۋارد سافيۋللين, ۆەلوسپورتتان سپورت شەبەرى نيكيتا فەدوتوۆسكيح جانە سينحروندى جۇزۋدەن سپورت شەبەرى اياۋلىم ماشتيەۆا.
جاتتىعۋلارعا ءۇش بالالار توبى – №1 ەستۋ جانە سويلەۋ قابىلەتى ناشار بالالارعا ارنالعان ارنايى جالپى ءبىلىم-بەرۋ مەكتەبىنەن 42 بالا, الماتى وبلىسىنىڭ №1 بالالار ۇيىنەن 35 بالا جانە №17 الماتىنىڭ تۇرمىسى تومەن جانۇيالارىنىڭ بالالارى ءۇشىن مەكتەپ-ينتەرناتىنىڭ 40 تاربيەلەنۋشىلەرى قاتىسۋدا.
كىشكەنتاي اتلەتتەر 24 مامىرعا دەيىن جاتتىعاتىن بولادى. سودان كەيىن ولار اكۆاتلون جانە ترياتلون جارىستارىنا قاتىسادى.
ايناش ەسالي,
«Egemen Qazaqstan»
الماتى
