فورۋم جۇمىسىنا مىڭداعان جەتەكشى رەسەيلىك جانە شەتەلدىك جوعارى وقۋ ورىندارىنىڭ رەكتورلارى, حالىقارالىق ۇيىمداردىڭ وكىلدەرى, جاپونيا, فرانتسيا, گەرمانيا, ۇلىبريتانيا, يسپانيا, يتاليا, گرەكيا, قىتاي, قازاقستان, يران, مىسىر جانە باسقا دا ەلدەردىڭ تانىمال مەملەكەت قايراتكەرلەرى مەن ساراپشىلار قاتىستى.
ولار جاھاندانۋ ءداۋىرى مەن قازىرگى زاماننىڭ سىن-تەگەۋرىندەرى جاعدايىندا جوعارى مەكتەپتەردى دامىتۋدىڭ جانە عالامدىق عىلىمي-ءبىلىم بەرۋ, تەحنولوگيالىق جانە گۋمانيتارلىق كەڭىستىكتى ۇيلەستىرۋدە جوعارى وقۋ ورىندارىنىڭ ءرولىن ارتتىرۋدىڭ ماڭىزدى ماسەلەلەرىن تالقىلادى.
فورۋمنىڭ پلەنارلىق وتىرىستارى ادامزاتتىڭ عىلىمي-ءبىلىم بەرۋ جانە مادەني دامۋىنداعى ۋنيۆەرسيتەتتەردىڭ تاريحي ءرولىن تالقىلاۋعا, سونداي-اق قازىرگى زاماننىڭ جاھاندىق ماسەلەلەرىن ەڭسەرۋگە ارنالدى.
ءىس-شارانى اشا وتىرىپ, م.ۆ.لومونوسوۆ اتىنداعى ممۋ رەكتورى, ەۋرازيالىق ۋنيۆەرسيتەتتەر اسسوتسياتسياسىنىڭ پرەزيدەنتى, اكادەميك ۆيكتور سادوۆنيچي ۋنيۆەرسيتەتتەردىڭ قوعامداعى ماڭىزدى ميسسياسىن اتاپ ءوتتى. «گۋمانيتارلىق ءبىلىم بەرۋدى بارىنشا دامىتۋ كەرەك, ول تاريح, مادەنيەت, انا ءتىلى جانە ونەرگە نازار اۋدارا وتىرىپ, جاھاندانۋ جاعدايىندا ءسوزسىز پايدا بولاتىن مورالدىق جانە رۋحاني اۋىتقۋلاردى تەڭگەرە الادى», – دەدى اكادەميك.
قازاقستاننىڭ جەتەكشى جوعارى وقۋ ورنى – ءال-فارابي اتىنداعى قازۇۋ رەكتورى, عالىم مۇتانوۆتىڭ جاڭا بۋىنداعى ۋنيۆەرسيتەت ۇلگىسىن قالىپتاستىرۋ تاجىريبەسى تۋرالى بايانداماسى قاتىسۋشىلاردىڭ قىزىعۋشىلىعىن تۋدىردى. ء«تورتىنشى بۋىن ۋنيۆەرسيتەتىنىڭ مودەلى حالىقارالىق تاجىريبە نەگىزىندە جاسالعان جانە جوعارى تەحنولوگيالىق ءارى رۋحاني-ادامگەرشىلىك پلاتفورمالاردىڭ سيمبيوزىنا نەگىزدەلگەن. ول جاس ۇرپاقتىڭ الەمنىڭ ازاماتتارى رەتىندە ىزگىلىكتى جانە تۇراقتى قوعام قۇرۋدا الەۋمەتتىك جاۋاپكەرشىلىگىن قالىپتاستىرۋعا باعىتتالعان», – دەدى رەكتور. بۇل مودەل قازۇۋ-دە ء«ال-فارابي – Smart City» جوباسى ارقىلى ءىس جۇزىندە كورىنىس تاۋىپ جاتقانىن العا تارتتى. فورۋمنىڭ قاتىسۋشىلارى ۇسىنىلعان ۇلگىگە قولداۋ كورسەتىپ, ونىڭ وزەكتىلىگى مەن سۇرانىسقا يە ەكەندىگىن اتاپ ءوتتى.
فورۋم اياسىندا ەۋرازيالىق ۋنيۆەرسيتەتتەر اسسوتسياتسياسىنىڭ قۇرىلتايى وتكىزىلىپ, وندا عىلىم جانە ءبىلىم سالاسىنداعى ىنتىماقتاستىق تۋرالى مەموراندۋمدارعا قول قويىلدى.
ارمان وكتيابر,
«Egemen Qazaqstan»
الماتى
