وبلىسىمىزداعى تۇرمىس دەڭگەيى تومەن از قامتىلعان وتباسىلاردىڭ جەكە كاسىپتەرىن اشۋىنا مۇمكىندىك تۋعىزىپ, قاجەتتى قۇرال جابدىقتار مەن كەرەكتى اقپاراتتار بەرە وتىرىپ الەۋمەتتىك جاعدايىن جاقسارتۋدى كوزدەگەن جوبا جەتەكشىسى بەلگىلى كاسىپكەر ا.نۇرلانوۆا بۇل شارانىڭ ماڭعىستاۋ وبلىسى اكىمى مەن وسى وڭىردەگى ءىرى كومپانيالاردان قولداۋ تاپقاندىعىن ايتتى.
قازىرگى تاڭدا, اتالعان جوبا بارىسىندا وبلىس بويىنشا 50-دەن استام وتباسى ءوز جەكە كاسىبىنىڭ يەسى بولىپ, ۇلگەردى. ءالى دە جاڭاوزەن قالاسىنداعى 100 وتباسىعا قولداۋ كورسەتىلمەكشى. بۇل ورايدا, ەڭ الدىمەن نيەت ءبىلدىرۋشى انالاردىڭ وي-پىكىرلەرى, ۇسىنىستارى تىڭدالىپ, سوعان سايكەس باعىتتار بەرىلەدى. جەكە كاسىبىن دوڭگەلەتۋگە قاجەتتى بارلىق قۇرال-سايماندار, ماتەريالدار, زاماناۋي تەحنيكالار الىنىپ بەرىلىپ قانا قويماي, ونىمدەرىن برەندكە اينالدىرۋ ماقساتىندا ءار قايسىسىنا جەكە بەلگىلەرى (لوگوتيپتەرى) جاسالدى, قالاداعى ءىرى ويىن-ساۋىق ورىندارىنان ساۋدا نۇكتەلەرى بەرىلدى.
ون جىلدان بەرى تىگىنشىلىكپەن اينالىسىپ, كوپتەن بەرى جەكە كاسىبىن ارمان ەتكەن انالاردىڭ ءبىرى ا.يگيباەۆا مەن تەڭگە اۋىلىندا تۇراتىن ەكى مۇگەدەك بالا تاربيەلەپ وتىرعان كوپبالالى انا گ.الشورا اتالمىش جوبا اياسىندا «Zere» بەلگىسىمەن حالىققا ءار ءتۇرلى ءۇي پىسىرمەلەرىن ۇسىناتىن بولدى. جەكە كاسىپكەرگە كاسىبىنە قاجەتتى بارلىق كەرەك جاراقتارى الىنىپ بەرىلگەن.
جوبا جەتەكشىسىنىڭ ايتۋىنشا, قازىرگى تاڭدا جاڭاوزەندە ZERE اسپازدىق ونىمدەرى, XAN BIBI atelier تىگىن شەبەرحاناسى, ALITORT كونديتەرلىك ءونىمى, OZEN NAN نان ونىمدەرى, جىلى جايلار, قۇس شارۋاشىلىعى ت.ب برەندتەر پايدا بولعان.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى
