كونكۋرس بارىسىندا اسكەري مەديتسينالىق قىزمەت ماماندارى اسكەريلەردىڭ جاۋىنگەرلىك دايارلىعى بارىسىنداعى مەديتسينالىق قامتاماسىز ەتۋدەگى وزدەرىنىڭ كاسىبي دەڭگەيى مەن بىلىكتىلىكتەرىن كورسەتتى. كونكۋرس ەكى كەزەڭگە ءبولىندى, ءبىرىنشىسى - «جەكە شەبەرلىك», ال ەكىنشىسى - «كوماندالىق شەبەرلىك». ءبىرىنشى كەزەڭ بارىسىندا اسكەري قىزمەتشىلەر اسكەري-سپورتتىق كەدەرگىلەردەن وتسە, كەيىن شتاتتىق قارۋلاردان اتىس ورىنداپ, ارنايى ديستانتسيادا جەكە قۇرامعا مەديتسينالىق كومەك كورسەتۋ بويىنشا نورماتيۆتەردى ورىندادى. ەكىنشى كەزەڭ, ارنايى وقۋ-تاكتيكالىق الاڭدا جانە تانكودروم مارشرۋتىندا ءوتتى, ول جەردە مەحانيك-جۇرگىزۋشىلەر ءوڭىردىڭ كۇردەلى جاعدايىندا جۇرگىزۋ شەبەرلىكتەرىن كورسەتتى.
اسكەري مەديتسينالىق قىزمەتكەرلەر شارتتى تۇردە جاراقاتتانعان ادامدى اسكەري تەحنيكادان الىپ شىعىپ, ءبىرىنشى مەديتسينالىق-سانيتارلىق كومەكتى كورسەتۋ بويىنشا كاسىبي بىلىكتىلىكتەرىن جاقسى كورسەتە الدى. ەكىنشى كەزەڭدە مەحانيك-جۇرگىزۋشىنىڭ ۇرىس جاعدايىندا اسكەري تەحنيكانى باسقارۋ شەبەرلىگى بارلىعىن ورنىنا قويدى.
«الەم جاۋىنگەرى» حالىقارالىق اسكەري ويىندار كونكۋرسىنا قاتىساتىن كوماندا قۇرامىنا 7 ايەل جانە 7 ەر ادام كىرەدى. ونىڭ ەكەۋى دارىگەر, 6 مەديتسينالىق مامان جانە 2 مەحانيك-جۇرگىزۋشىلەر مەن قوسالقى قاتىسۋشىلار.
دايىندىق سوڭىندا قارۋلى كۇشتەردىڭ ىرىكتەۋ جارىسىنان وتكەن اسكەري قىزمەتشىلەر وزبەكستان رەسپۋبليكاسىندا وتەتىن حالىقارالىق ارميالىق ويىندار ەتاپىنا قاتىساتىن بولادى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
