جاڭاشىل ستارتاپ جوبالارىن تانىستىرۋعا ءبىزدىڭ ءوڭىردىڭ, سەمەي, نۇر-سۇلتان, اقسۋ قالالارىندا ءبىلىم الىپ جۇرگەن ستۋدەنت جاستارى جينالدى.
جالپى ۋنيۆەرسيتەتتەگى «ستۋدەنتتىك ستارتاپ جوبالار ۇيىمىنىڭ» مالىمەتىنشە, STARTUP FEST-تە usb پورتتارى بار جىلى ايالداما, دامىتۋشى ويىندار, يپپوتەراپيا, Office box جانە جارنامالىق بوكستار جوبالارى تانىستىرىلدى.
ستارتاپ جوبالاردىڭ تانىستىرىلىم راسىمىنە Enactus Kazakhstan ۇيىمىنىڭ پرەزيدەنتى البينا ەرجانوۆا دا ارنايى كەلدى.
ال, شارا قاتىسۋشىلارى-ستۋدەنتتەر ەلىمىزدەگى «الەۋمەتتىك كاسىپكەرلىك مەكتەبىنىڭ» نەگىزىن قالاۋشى ەمينا اسكەروۆا مەن Yuframe ۆاين-كومانداسىنىڭ مەنەدجەرى راسۋل ابدۋللاەۆتىڭ ترەنينگتەرىنە قاتىستى.
- بۇل ء«وزىندى تابۋ» بۇل-«Yuframe» توبىنىڭ ۇرانى جانە نەگىزگى ميسسيالارىنىڭ ءبىرى. ادام ءوزىن ءوزى تاپقاننان كەيىن عانا الەۋەتىن ارتتىرا الادى, - دەيدى راسۋل ابدۋللاەۆ.
سونىمەن بىرگە, شارا اياسىندا ستارتاپتار جارىسى دا ۇيىمداستىرىلدى. ۇزدىك جوبالارعا جەتەكشى مەنتورلاردان ساپالى قولداۋ كورسەتىلەدى.
جيىن سوڭىندا «Y-cup» جوباسى ۇزدىك ستارتاپ اتانىپ, قارجىلاندىرۋعا يە بولدى. جاستار ەندى كيبەرسپورتقا ارنالعان الاڭداردى جاساماقشى.
سەمەيلىك «Poffy Bag» جانە پمۋ جوباسى ستارتاپ جوباسى ءبىرىنشى تاپسىرىسىن الدى. ولار جيھاز ءوندىرىسىن قولعا السا, جەرگىلىكتى جاستار ءۇش تىلدەگى اشىق حاتتار ازىرلەمەك.
فاريدا بىقاي,
«ەگەمەن قازاقستان»
پاۆلودار
