كەڭسە جۇمىسى بيزنەس-قوعامداستىقتى قاراپايىم زاتتاردىڭ ەكونوميكاسىن دامىتۋعا شاقىرادى, جەڭىلدەتىلگەن نەسيە بەرۋ باعدارلاماسىنا قاتىسۋ شارتتارىن تۇسىندىرەدى جانە كاسىپكەرلەردىڭ ءوز جوبالارىن جۇزەگە اسىرۋ بارىسىندا كەزدەسەتىن ماسەلەلەردى شەشۋگە, كاسىپكەرلەردىڭ ينۆەستيتسيالىق بەلسەندىلىگىن ىنتالاندىرۋعا ىقپال ەتەتىن بولادى.
الداعى ۋاقىتتا بۇل قۇرىلىم جوبالارعا بيزنەس-جوسپار جاسالعان ۋاقىتتان باستاپ, قارجىلاندىرۋ كەزەڭىنە دەيىن قولداۋ كورسەتىپ قانا قويماي,ونىڭ ىسكە اسىرىلۋىن قاداعالاپ وتىرادى جانە قاجەتتى كومەك كورسەتەدى .
ەسكە سالا كەتەيىك, مەملەكەت باسشىسىنىڭ تاپسىرماسىمەن قازاقستان ۇكىمەتى قاراپايىم زاتتار ەكونوميكاسىنىڭ دامۋىنا 600 ملرد تەڭگە بولگەن ەدى.
وسى سومانىڭ 400 ميلليارد تەڭگەسى وڭدەۋ ونەركاسىبىنىڭ جانە قىزمەت كورسەتۋ سالاسىنىڭ دامۋىنا جۇمسالاتىن بولادى. باعدارلامادا قارىز الۋشىلاردى 15% -دان اسپايتىن مولشەردە نەسيەلەندىرۋ مەحانيزمى قاراستىرىلعان, ونىڭ 8% جەكە كاسىپكەرلىك سۋبەكتىلەرىنىڭ وزدەرى تولەيدى. قالعان سوما «بجك-2020» جانە اگروونەركاسىپتىك سالانى سۋبسيديالاۋ باعدارلاماسى اياسىندا جەتى جىلدىق مەرزىممەن مەملەكەتتىك سۋبسيديا ارقىلى وتەلەدى.
جەڭىلدەتىلگەن نەسيەلەر, نەگىزىنەن, وڭدەۋ ونەركاسىبىندەگى جوبالارعا, اتاپ ايتقاندا, جەڭىل ونەركاسىپ سالاسىنا, سونداي-اق, جيھاز, قۇرىلىس ماتەريالدارى مەن اگروونەركاسىپ ونىمدەرىن وندىرۋگە بەرىلەدى.
«باعدارلاما بويىنشا دايىن ءونىمدى وندىرۋگە, سونداي-اق, قاجەتتى شيكىزات پەن باستاپقى وڭدەۋ ونىمدەرىن الۋ جانە ءارى قاراي ونىمدەردى ساتۋ بويىنشا دا قولداۋ كورسەتىلەدى. جوبالارعا بيزنەس جوسپار قۇرىلعاننان باستاپ, ونى تولىق جۇزەگە اسىرعانعا دەيىن كومەك كورسەتەتىن بولامىز»,-دەيدى اقتوبە وبلىسى كاسىپكەرلەر پالاتاسىنىڭ ديرەكتورى انار دارجانوۆا.
باعدارلاما اياسىندا وندiرiستiك تسيكلدىڭ بارلىق كەزەڭدەرiن دامىتۋعا ەرەكشە نازار اۋدارىلادى. سونداي-اق ماماندار جەرگىلىكتى اتقارۋشى ورگاندارمەن بىرلەسىپ, قۇجاتتاما, كەپىلدىكتەر بەرۋ, ساتۋ نارىعىن ىزدەستىرۋ سالاسىنداعى ماسەلەلەردى شەشۋ ءۇشىن كاسىپورىندارعا دياگنوستيكا جاسايدى.
مۇنداي كەشەندى ءادىس جاڭا وندىرىستەردى قۇرۋمەن قاتار, قولدانىستاعى كاسىپورىنداردىڭ قوسىمشا جۇمىسپەن قامتىلىپ, جاڭعىرۋىنا مۇمكىندىك بەرەدى.
جالپى, ەلىمىزدە اتالعان باعدارلامانى ىسكە اسىرۋ 2025 جىلعا قاراي 365 تاۋار ءتۇرى بويىنشا ءوندىرىستى 2,4 ەسەگە ۇلعايتىپ, يمپورت ۇلەسىن 37% -عا دەيىن ازايتۋعا مۇمكىندىك بەرەدى دەپ كۇتىلۋدە.بۇگىنگى كۇنى اتالعان باعدارلاماعا 9 ەكىنشى دەڭگەيلى بانك قوسىلدى.
«كاسىپكەرلەر پالاتاسى بيزنەستى بەلسەندىلىك تانىتۋعا شاقىرادى, ويتكەنى ايماققا بەرىلەتىن سوما ۇسىنىلعان جوبالار سانىنا قاراي بولىنەدى. قارجى العىسى كەلەتىن كاسىپكەرلەر اقتوبە وبلىسىنىڭ جوبالىق كەڭسەسىنە جولىعىپ, جوبالارىن جۇزەگە اسىرۋىنا تولىق قولداۋ الا الادى. بۇگىنگى كۇنى وبلىس بويىنشا 24 قاتىسۋشى تىلەك ءبىلدىردى», - دەيدى وڭىرلىك پالاتا باسشىسى انار دارجانوۆا.
جوبالىق كەڭسەنىڭ وتىرىسى اپتا سايىن وتكىزىلەتىن بولادى. «قاراپايىم زاتتار ەكونوميكاسىن» دامىتۋ اياسىندا جەڭىلدەتىلگەن نەسيە بەرۋ باعدارلاماسى ارنايى ءتىزىم بويىنشا, كەستەگە ساي جۇرگىزىلەدى. جوبالىق كەڭسەنىڭ رەسپۋبليكالىق جانە جەرگىلىكتى بولىمدەرىنىڭ وتىرىسى بيزنەس قاۋىمداستىقتىڭ جانە باعدارلاماعا قاتىسۋشىلاردىڭ قاتىسۋىمەن وتەتىنىن حابارلادى اقتوبە وبلىسىنىڭ «اتامەكەن» كاسىپكەرلەر پالاتاسى.
جوبالىق كەڭسەنىڭ مەكەن-جايى: اقتوبە ق., ساڭكىباي باتىر د-لى, 22K, «قازىنا» بيزنەس ورتالىعى. اقپاراتتىق تەلەفوندار: 8 (7132) 744-611 (ىشكى 1509), 744-612 (ىشكى 1526). ەلەكتروندىق پوشتا: d.borankulov@atameken.kz .
ال نەسيەلەۋ مەحانيزمى مەن شارتتارى تۋرالى اقتوبە وبلىسى كاسىپكەرلەر پالاتاسىنىڭ سايتىنداعى «قاراپايىم زاتتاردىڭ ەكونوميكاسى» بولىمىنەن بىلۋگە بولادى.
تەمىر قۇسايىن,
«ەگەمەن قازاقستان»
