ءىس-شارا ءىىم-ءنىڭ «باقىتتى بالالىق شاقتى قورعاۋ» يميدجدىك جوباسى اياسىندا قازاق ەستراداسىنىڭ جارىق جۇلدىزى, «ازيا داۋىسى» جانە «دارىن» فەسيۆالىنىڭ لاۋرەاتى بەيبىت قورعاننىڭ قاتىسۋىمەن ۇيىمداستىرىلدى. ءىىم-ءنىڭ اتالعان جوباسى قوعامدا بالالارعا قاتىستى جاسالاتىن قۇقىققا قايشى ارەكەتتەرگە جول بەرمەۋ ءپرينتسيپىن قالىپتاستىرۋعا, سونداي-اق جاسوسپىرىمدەر قىلمىسىن تومەندەتۋگە باعىتتالعان.
ەلوردالىق پوليتسەيلەر رەسپۋبليكانىڭ بارلىق وڭىرلەرى بويىنشا وتكەن قايىرىمدىلىق كونتسەرتىنىڭ قورىتىندىلاۋ كەزەڭىن ۇيىمداستىرۋدى قولعا الدى.
كورەرمەننىڭ سۇيىكتى انشىسىنە اينالعان بەيبىت قورعاندى كورەرمەندەر ەرەكشە قوشەمەتپەن قارسى الدى. كونتسەرتتە كورەرمەندەر ءسۇيىپ تىڭدايتىن كوپشىلىككە بەلگىلى حيت اندەر ورىندالدى. ءانشى ساحناعا شىققان بەتتە جاس كورەرمەندەر جىلى قابىلداپ, كوپشىلىككە تانىمال اندەرىن قوسىلىپ ورىندادى.
كونتسەرتكە قاتىسۋ ءۇشىن ۇلتتىق ۇلان مەن پوليتسيا دەپارتامەنتىنىڭ كوركەمدىك ۇجىمى شاقىرىلدى. اسىرەسە كورەرمەندەردى كىشكەنتاي ارتىستەر, پوليتسيا قىزمەتكەرلەرىنىڭ بالالارى ءوز ونەرلەرىمەن ەرەكشە قۋانتتى.
كەشتىڭ سوڭىندا ىشكى ىستەر ءمينيسترىنىڭ كەڭەسشىسى ءنۇردىلدا وراز كەرەمەت ۇيىمداستىرىلعان كونتسەرت ءۇشىن بەيبىت قورعانعا جانە كونتسەرتكە قاتىسۋشىلارعا العىسىن ءبىلدىردى. پوليتسيا دەپارتامەنتى ارداگەرلەر كەڭەسىنىڭ توراعاسى قارشىعا كىشكەنتاەۆ ۆەدومستۆو باسشىلىعىنىڭ اتىنان بەيبىت قورعانعا العىسحات تابىستادى.
