بۇگىن قازاقستان قارۋلى كۇشتەرىنىڭ بارلىق اسكەري بولىمدەرى مەن قۇرامالارىندا ميتينگتەر وتكىزىلدى. وندا جەكە قۇرام قازا تاپقان قىزمەتتەستەرىن 1 ۇنسىزدىك مينۋتىمەن قۇرمەت كورسەتتى.
كەشە وقۋ-جاتتىعۋ بارىسىندا قر قك تىكۇشاعىنىڭ اپاتقا ۇشىراۋ سالدارىنان بورتتا بولعان 13 اسكەري قىزمەتشى كوز جۇمدى. قازاقستان قارۋلى كۇشتەرىنىڭ بارشا جەكە قۇرامى قازا بولعان قىزمەتتەستەرىنىڭ تۋىسقاندارى مەن جاقىندارىنىڭ قايعىسىنا ورتاقتاسىپ, كوڭىل ايتادى. بۇل قازاقستان ارمياسى ءۇشىن ورنى تولماس قايعى. ولار اقتىق دەمدەرى قالعانشا وزدەرىنىڭ اسكەري بورىشتارىن ادال ورىندادى. قىزمەتتەستەرى تۋرالى جارقىن ەستەلىك باتىرلىق, جانقيارلىق پەن ءپاتريوتيزمنىڭ ۇلگىسى رەتىندە اسكەري قىزمەتشىلەردىڭ جادىندا ماڭگى ەستە قالادى.
