شارا ەلوردا اكىمى باقىت سۇلتانوۆ, قر ءىىم ءمينيسترىنىڭ ورىنباسارى يۋري يلين, تجد باستىعىنىڭ مىندەتىن ۋاقىتشا اتقارۋشى مارعۇلان امانباەۆ, «ەسىل باسسەيندىك ينسپەكتسياسى» رمم, «كازگيدرومەت» مكقك, ەسىل وزەنىنىڭ ارانسىن جوبالاۋشى «ورتا» جشس وكىلدەرىنىڭ قاتىسۋىمەن ءوتتى.
اينالىپ ۇشۋ سۋ تاسقىنى جاعدايى تۋرالى اقپارات جيناۋ جانە تابيعي سيپاتتاعى توتەنشە جاعدايلاردىڭ تۋىنداۋىنا جول بەرمەۋ بويىنشا شارالار ازىرلەۋ ءۇشىن جۇرگىزىلدى.
«ۇشاقپەن ارالاۋ جۇمىستارىنىڭ بارىسىندا مايبالىق كولى, ۆياچەسلاۆسكوە سۋ قويماسى اۋدانىندارىنداعى, قاراعاندى جانە اقمولا وبلىستارىنىڭ ەلدى مەكەندەرىندەگى قار جانە ىلعال قورىنىڭ اۋقىمى ناقتىلاندى.
اتالمىش شارا ۆياچەسلاۆ سۋ قويماسىندا جانە استانالىق باقىلاۋ رەتتەگىشىندە سۋ اعىنىن الدىن الا ەسەپتەۋگە, سونداي-اق جەرگىلىكتى اتقارۋشى ورگاندارعا, تجد جانە «قازسۋشار» مم-نە سۋ تاسقىنىنا قارسى ءىس-شارالاردى وتكىزۋگە دايىندالۋعا مۇمكىندىك بەرەدى.
ىقتيمال سۋ تاسقىنى جاعدايىنىڭ الدىن الۋ بويىنشا شارالار كەشەنىن ازىرلەۋ ماقساتىندا قالا اكىمدىگىمەن بىرلەسىپ ەلوردا اۋماعىندا تاسقىن سۋلاردى ۇيىمداسقان تۇردە وتكىزۋ بويىنشا كەشەندى ءىس-شارالار جوسپارى ازىرلەندى», – دەلىنگەن تجد-ءنىڭ حابارلاماسىندا.
بۇگىنگى تاڭدا سۋ باسۋ قاۋپى بار 34 ۋچاسكە انىقتالدى. ءاربىر ۋچاسكە بويىنشا جۇمىس تۇرلەرى, قاجەتتى ماتەريالدىڭ كولەمى انىقتالىپ, جاۋاپتى ورىنداۋشىلار بەلگىلەندى.
قالا اۋماعىنداعى اۆتوموبيل جولدارىنىڭ بارلىق سۋ تاسقىنى قاۋىپتى جانە قار باساتىن ۋچاسكەلەرىن, سونداي-اق زارداپ شەككەندەر ءۇشىن جۇمىلدىرىلاتىن كۇشتەر مەن قۇرالداردى جانە جىلىتۋ پۋنكتتەرىن ەنگىزە وتىرىپ, تابيعي جانە تەحنوگەندىك سيپاتتاعى تج ۇشىراعىشتىق كارتالارى ازىرلەندى, مۇندا سونىڭ ىشىندە يلينكا, ءوندىرىس, كوكتال, جەلەزنودوروجنىي, پريگورودنىي, وڭتۇستىك-شىعىس سياقتى قالانىڭ بارلىق تۇرعىن الاپتارى, جاڭا تەمىرجول ۆوكزالىنىڭ, اۋەجايدىڭ, گاز اپپاراتۋراسى زاۋىتىنىڭ اۋداندارى ەسكەرىلگەن.
قالا قىزمەتتەرىنىڭ قىزمەتىن ۇيلەستىرۋ ءۇشىن اۋماقتار مەن ەلدى مەكەندەردى سۋ تاسقىنى سۋلارىنىڭ زياندى اسەرىنەن قورعاۋدى قامتاماسىز ەتۋ بويىنشا ءىس-شارالاردى وتكىزۋ كەزىندە مەملەكەتتىك ورگانداردىڭ ءوزارا ءىس-قيمىل الگوريتمى بەكىتىلدى. سونىمەن قاتار, توتەنشە جاعدايلاردان زارداپ شەككەن حالىقتى كوشىرۋ بويىنشا مەملەكەتتىك ورگانداردىڭ ءوزارا ءىس-قيمىل الگوريتمى ازىرلەندى.
تۇرعىنداردى قاۋىپسىز جەرگە كوشىرۋ قاجەت بولعان جاعدايدا, زارداپ شەككەن حالىقتى ۋاقىتشا ورنالاستىرۋ جانە ولاردىڭ تۇراتىن جەرلەرى انىقتالدى. ناقتىراق ايتقاندا, ولار تەمىرجول ۆوكزالى, ساپارجاي, مەكتەپتەردىڭ سپورت زالدارى سياقتى نىساندارعا, ودان كەيىن قوناق ۇيلەر مەن جاتاقحانالاردا ورنالاستىرىلاتىن بولادى. سونداي-اق, قاجەت بولعان جاعدايدا سۋ تاسقىنى كەزىندە پايدالانۋعا بولاتىن 73 جەپ بار.
سۋ تاسقىنى كەزەڭىنە قالانىڭ ازاماتتىق قورعاۋ مەملەكەتتىك جۇيەسىن دايىنداۋ ماقساتىندا قالانىڭ كوممۋنالدىق قىزمەتتەرى مەن ىشكى ىستەر ورگاندارىنىڭ اۆتوكولىكتەرى جانە ينجەنەرلىك تەحنيكاسىنىڭ جالپى توبى جەكە قۇرامنان 663 ادام, 191 بىرلىك تەحنيكا, ونىڭ ىشىندە 2 بىرلىك پنس-110, 14 ءجۇزۋ قۇرالدارى, 67 موتوپومپا, سونداي-اق 1 تىكۇشاق جۇمىلدىرىلدى. ينەرتتى ماتەريالداردىڭ قورى 18000 توننا (قۇم, ۇساق تاس), جانار-جاعار ماي جانە تاماق دايىندالدى.
بۇگىنگى تاڭدا استانا سۋ قويماسىنىڭ سۋ شىعىنى 13,89 م3/سەك قۇرايدى, تولىمدىلىعى – 233,31 ملن.م3, بۇل جوبالىق قۋاتتىڭ 56,78%-ىن قۇرايدى.
قازىر باقىلاۋ رەتتەگىشتىڭ ناقتى تولىقتىرىلۋ كولەمى 2,6 ملن.م3. 27 ناۋرىزداعى جاعدايعا سايكەس رەتتەۋشى سىيىمدىلىقتىڭ نەگىزگى سۋ جىبەرۋ ارقىلى سۋ شىعارۋدىڭ كولەمى - 1,5 م3 / سەك. سۋ شىعارۋ ارقىلى وتەتىن ەسىل وزەنىنىڭ تۇرمىستىق شىعىنى №1-0, 8 م3/سەك.
