ءباسپاسوز - كونفەرەنتسياسى پولكوۆنيك, قر قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى ارداق كۋكاتوۆ, مەديتسنا قىزمەتىنىڭ پولكوۆنيگى, قر قم ورتالىق اسكەري-دارىگەرلىك كوميسسياسىنىڭ باستىعى قانات سۇلتانعازين, پودپولكوۆنيك, قر قك بش تاربيە جانە يديولوگيالىق جۇمىستار دەپارتامەنتى پسيحولوگيالىق-سوتسيولوگيالىق جانە اسكەري-الەۋمەتتىك ءبولىمىنىڭ باستىعى شىنار مۇحامەدجانوۆا قاتىستى.
2019 جىلدىڭ كوكتەمىندە قر قارۋلى كۇشتەرىنە, باسقا دا اسكەرلەرى مەن اسكەري قۇرالىمدارىنا كەيىنگە قالدىرىلۋعا جانە شاقىرىلۋدان بوساتىلۋعا قۇقىعى جوق 18 بەن 27 جاس ارالىعىنداعى ازاماتتاردى شاقىرۋ جوسپارلانۋدا.
كوكتەمگى شاقىرۋ ناۋقانى قارساڭىندا قورعانىس ءمينيسترىنىڭ قاتىسۋىمەن قورعانىس ىستەرى جونىندەگى دەپارتامەنتتەر جانە باسقارمالاردىڭ باستىقتارىمەن سەمينار وتكىزىلىپ, وزەكتى ماسەلەلەر تالقىلاندى, سونداي-اق ءجابو-نىڭ قىزمەتىن ودان ءارى جەتىلدىرۋ بويىنشا وڭتايلى شەشىمدەر دايىندالدى. تىڭ وزگەرىستەردى ەسكەرە وتىرىپ, شاقىرۋ بارىسىندا زاڭنامالىق دەڭگەيدە مەرزىمدى اسكەري قىزمەتتى وتكەرۋدەن جالتارۋعا تىرىساتىن ادامدار ەرەكشە باقىلاۋعا الىنادى. سونداي-اق ولاردىڭ تاراپىنان شاعىمدى بولدىرماي شاقىرىلۋشىلار جانە ولاردىڭ اتا-انالارىمەن ساپالى ۇيىمداستىرىلعان جۇمىستى وتكىزۋگە نازار اۋدارىلدى.
مەرزىمدى اسكەري قىزمەتكە ازاماتتاردى شاقىرۋ كەزىندە سىبايلاس جەمقورلىق زاڭناماسى مەن مىنەز-ق ۇلىق ادەبىن مىندەتتى تۇردە ساقتاۋ جونىندە شارالار قاراستىرىلعان. اعىمداعى جىلعى 1 ناۋرىزىنان باستاپ «اسكەري قىزمەت پەن اسكەري قىزمەتشىلەردىڭ مارتەبەسى تۋرالى» قر 2012 جىلعى 16 اقپانداعى زاڭىنا, سونداي-اق «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتشىلەردىڭ زاپاسقا بوساتىلۋى جانە 2019 جىلعى ناۋرىز-ماۋسىم جانە قىركۇيەك – جەلتوقساندا قر-نىڭ ازاماتتارىن مەرزىمدى اسكەري قىزمەتكە شاقىرۋ تۋرالى» قر پرەزيدەنتىنىڭ 2019 جىلعى 13 اقپانداعى №840 جارلىعىنا سايكەس شاقىرۋ جانە مەديتسينالىق كوميسسيالار قر قارۋلى كۇشتەرىن, باسقا دا اسكەرلەرى مەن اسكەري قۇرالىمدارىن جاس تولىممەن ساپالى جاساقتاۋ جونىندەگى جۇمىسقا كىرىسكەنىن ەستەرىڭىزگە سالا كەتەيىك.
وتكىزىلگەن تالداۋ ناتيجەلەرى بويىنشا قورعانىس ءمينيسترى اسكەري بولىمگە اتتانار كەزىندە شاقىرىلۋشىلاردىڭ ءساتتى بەيىمدەلۋى ماقساتىندا ولاردىڭ كيىم-كەشەكپەن, تاماق جانە وزگە دە تيەسىلى جابدىقتالىم تۇرلەرىمەن قامتاماسىز ەتۋدى جالعاستىرۋ تۋرالى شەشىم قابىلداندى. اسكەري كيىمدى كيۋ ارقىلى, جاسوسپىرىمدەر ناعىز وتان قورعاۋشىلاردىڭ الدىندا تۇرعان جاۋاپكەرشىلىكتى تۇسىنە باستايدى. اسكەري بولىمدەر بويىنشا شاقىرىلۋشىلاردى ىرىكتەۋ جانە ءبولۋ كەزىندە الدىن الا زەردەلەۋ ناتيجەلەرى جانە ولاردىڭ شاقىرىلۋعا دەيىنگى ماماندىقتارى ەسكەرىلەدى.
