- قىزىلوردا وبلىسىندا قايعىلى وقيعا ورىن الدى. جاۋىنگەرلىك مىندەتىن اتقارۋ بارىسىندا 13 اسكەري قىزمەتشى كوز جۇمدى. وسى قايعىلى جاعدايعا بايلانىستى بارلىق دەپۋتاتتاردىڭ اتىنان تىك ۇشاق اپاتىنان قايتىس بولعان جاۋىنگەرلەردىڭ وتباسىلارىنا, تۋعان-تۋىستارىنا قايعىرىپ كوڭىل ايتامىز, - دەدى پالاتا سپيكەرى.
بيۋرو وتىرىسىندا ءماجىلىستىڭ الداعى جالپى وتىرىستىڭ كۇن ءتارتىبىنىڭ جوباسى قارالدى.
پالاتاعا ءبىرىنشى وقىلىمدا تۇرعىن ءۇي-كوممۋنالدىق شارۋاشىلىق ماسەلەلەرىنە قاتىستى زاڭ جوباسىن قاراۋ ۇسىنىلادى.
زاڭ جوباسى كوندومينيۋم وبەكتىلەرىن باسقارۋ جانە كۇتىپ-ۇستاۋ بويىنشا قىزمەتتى, ونى رەسىمدەۋ ءتارتىبىن, ورتاق م ۇلىكتى كۇردەلى جوندەۋ ءۇشىن اقشا قاراجاتىن جيناۋعا, وسى پروتسەستەرگە مەنشىك يەلەرىنىڭ وزدەرىنىڭ قاتىسۋىن, ونىڭ ىشىندە جەرگىلىكتى اتقارۋشى ورگانداردىڭ تۇرعىن ءۇي ينسپەكتسياسىن تارتۋعا باعىتتالعان.
سونىمەن قاتار, دەپۋتاتتاردىڭ تالقىلاۋىنا ء«بىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان قىتاي حالىق رەسپۋبليكاسى اراسىنداعى ساۋدا-ەكونوميكالىق ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى ۇسىنىلادى.
كەلىسىم قحر-مەن اناعۇرلىم تىعىز ساۋدا-ەكونوميكالىق ارىپتەستىككە بىرتىندەپ جىلجۋ ءۇشىن نەگىز بولۋعا ءتيىس. كەلىسىم اقپارات الماسۋدى دامىتۋ, كەدەرگىلەردى انىقتاۋ جانە قىتايمەن ءوزارا ساۋدانى ىلگەرىلەتۋ قۇرالى بولۋعا ارنالعان, سونداي-اق قوسىمشا الەۋەتتى ىنتىماقتاستىق سالالارىن ىزدەۋگە ىقپال ەتەتىن بولادى.
