27 جاستاعى گەتەبورگ قالاسىنىڭ تۋماسى سپورتتىق كارەراسىن ءوز ەلىندە باستاسا, كەيىننەن اقش-قا اتتاندى. احل-دا دا, ۇحل-دا ويناپ كوردى. ۇلتتىح حوككەي ليگاسىندا سۆەدبەرگ 27 كەزدەسۋ وتكىزدى. 2 گول سوعىپ, 2 رەت ناتيجەلى پاس بەردى.
بىلتىرعى ماۋسىمدا «بارىستىڭ» ساپىنا قابىلدانعان شۆەتسيالىق قورعاۋشىنىڭ ويىن ورنەگى بىردەن كورەرمەندەر كوڭىلىنەن شىقتى. بويى 206 سانتيمەتر, سالماعى 108 كيلونى قۇراعان ۆيكتور ءوزىنىڭ تىكەلەي مىندەتىن جاقسى اتقارىپ قانا قويماي, شابۋىل شەبىندە دە ءساتتى وينادى.
«بارىستىڭ» ساپىندا ءوزىن جاقسى قىرىنان كورسەتكەن ايتۋلى حوككەيشىگە شۆەتسيانىڭ ۇلتتىق قۇراماسى باپكەرلەرىنىڭ كوزى ءتۇستى. سودان ولار ۆيكتور سۆەدبەرگتى باس كوماندانىڭ ساپىنا شاقىرتتى. ەندى ول سلوۆاكيا مەن ۆەنگرياعا قارسى وتەتىن جولداستىق كەزدەسۋگە قاتىسادى. ەگەر وسى باسەكەلەر بارىسىندا ويىنى باپكەرلەردىڭ كوڭىلىنەن شىقسا, ودنا سۆەدبەرگ الەم چەمپيوناتىنا قاتىسۋى مۇمكىن.
عالىم سۇلەيمەن,
«Egemen Qazaqstan»
