28 ناۋرىز، 2019

توكيوداعى ءساتتى كەزدەسۋ

261 رەت كورسەتىلدى

قازاقستان رەسپۋبليكاسىنىڭ ۇلتتىق يادرولىق ورتالىعى تاۋەلسىزدىك العان جىلداردان باستاپ نەبىر ايتۋلى تابىستارعا، عىلىمي وزىق جەتىستىكتەرگە قول جەتكىزىپ وتىر. جاقىندا ۇلتتىق يادرولىق ورتالىقتىڭ باس ديرەكتورى ەرلان باتىربەكوۆ جاپونيا استاناسى توكيو قالاسىنا ارنايى شاقىرتۋمەن بارىپ قايتتى.

ساپار بارىسىندا «Toshiba Energy Systems & Solutions Corporation» باسشىسى، Goro Yanase مىرزامەن كەزدەستى. كەزدەسۋ بارىسىندا تاراپتار «CORMIT» جوباسىن بىرىگىپ جۇزەگە اسىرۋ ماسەلەسىن تالقىلادى. سونداي-اق، «CORMIT-2» جوباسىن دا قولعا الۋ قاجەتتىگى ايتىلدى. Yanase مىرزا قر ۇياو ۇجىمىنا ءتۇرلى زەرتتەۋلەرگە قوسىپ جاتقان ۇلەسى ءۇشىن رازىلىعىن ءبىلدىردى.

- «CORMIT» جوباسى سۋمەن سالقىنداتىلاتىن رەاكتوردىڭ (LWR – Light Water Reactor) جۇمىسىن جاقسارتۋعا ارنالعان. ماسەلەن، اۋىر اۆاريا كەزىندە قاتتى جارىلىستان  بالقىما تۇتقىشىن ۇستاپ تۇرۋدى قامتاماسىز ەتۋ ءۇشىن جالاتىلاتىن جوعارى تەمپەراتۋرالى ءارتۇرلى قورعانىس ماتەريالدارى بولادى. مىنە، وسىلاردىڭ ءوزارا ارەكەتتەسۋىن زەرتتەۋگە باعىتتالعان عىلىمي جوبا،-دەدى قر ۇياو باس ديرەكتورى ەرلان باتىربەكوۆ،-«CORMIT» جوباسىنىڭ ءبىرىنشى ساتىسى شەڭبەرىندەگى ەكسپەريمەنتتىك زەرتتەۋلەر  2012-2016 جىلدارى ورىندالدى. 2018 جىلدان باستاپ جوبانىڭ ەكىنشى ساتىسى «CORMIT-2» ىسكە اسىرىلۋدا. بۇگىنگى كۇنى «لاۆا-ب» قوندىرعىسىندا وننان استام شاعىن اۋقىمدى تاجىريبەلەر ءوتتى. سونداي-اق يندۋكتسيالىق قىزدىرۋ ادىسىمەن قالدىق جىلۋدىڭ ءبولىنۋىن مودەلدەي وتىرىپ، رەاكتور استىنداعى تۇتقىشتىڭ ىستىققا ءتوزىمدى جابىنىن انىقتاۋ بويىنشا ءبىر ءىرى اۋقىمدى تاجىريبە وتكىزدىك.  

ەرلان باتىربەكوۆتىڭ ايتۋىنشا، Yanase مىرزا «فۋكۋسيما-1» اەس-ىندەگى اپاتتى كوريۋمدى ساقتاۋ جانە ونى قاۋىپسىز الىپ شىعۋ ماسەلەسىندە ۇياو عالىمدارىمەن بىرىگىپ جۇمىس ىستەۋ كوپ ناتيجە بەردى دەپ، قازاقستاندىق عالىمداردى ەرەكشە باعالاپتى. سوندىقتان دا «Toshiba Energy Systems & Solutions Corporation» باسشىلىعى ارىپتەستىك باعىتتى ارىعاراي دا ارتتىرۋعا نيەت ءبىلدىرىپ وتىر ەكەن.  اسىرەسە، توكاماكە كتم قۇرىلعىسىنىڭ جۇمىستارىنا قىزىعۋشىلىق تانىتۋدا. الداعى ۋاقىتتا تاراپتار تەحنيكالىق باعىتتا كوپتەگەن اۋقىمدى جوبالاردى بىرلەسكەن تۇردە جۇزەگە اسىرماق. وسىعان وراي عىلىمي سەمينارلار وتكىزۋ دە قولعا الىنادى.

راۋشان نۇعمانبەكوۆا،

«ەgemen Qazaqstan»

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار