كۇردەلى وتا كەزىندە بىلىكتى مامان اۋرۋحانا بازاسىندا 2 ناۋقاستىڭ تىزە بۋىنىنا تىلىكسىز وتا جاسادى. تىلىكسىز وپەراتسيا جاساۋ ءۇشىن تراۆماتولوگتار «ارتروسكوپ» اپپاراتىن قولدانىپ, اياقتاعى جاراقاتتى حيرۋرگيالىق جولمەن ەمدەدى.
ايتا كەتەرلىگى, بۇل رەتكى جابىق وپەراتسياعا الماتى قالاسىنداعى قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ پروفەسسورى ارمان ابدۋرازاكوۆ جەتەكشىلىك ەتتى. ءارى, وپەراتسيا جاساۋ كەزىندە جەرگىلىكتى اق حالاتتىلارعا ءوز تاجىريبەسىمەن ءبولىستى.
«بۇرىن مۇنداي وتالاردى جاساۋ ءۇشىن ەزىلىپ كەتكەن جىلىكشەلەردى تىزەنى ءتىلىپ, بۋىنداردى اشىپ بارىپ الاتىن. ەندى دەنەنىڭ ەكى-اق جەرى تەسىلەدى. بۇل ءادىستىڭ ناۋقاستاردىڭ ەرتەرەك اياعىنان تىك تۇرىپ كەتۋىنە پايداسى كوپ جانە دەنەگە تىرتىق تۇسپەيدى», - دەيدى دەنساۋلىق ساقتاۋ سالاسىنىڭ بىلگىرى.
نۇرشات توكەن,
«Egemen Qazaqstan»
شىمكەنت
