تالعات پولاتوۆ قۇرمانعازى اتىنداعى قازاق ۇلتتىق كونسەرۆاتورياسىن پروفەسسور ا.م. گايسيننىڭ كلاسى بويىنشا بىتىرگەن. رەسپۋبليكالىق جانە حالىقارالىق كونكۋرستاردىڭ لاۋرەاتى. كوپ جىلدار بويى قۇرمانعازى اتىنداعى مەملەكەتتىك اكادەميالىق قازاق حالىق اسپاپتارى وركەسترىندە «سىرناي» توبىنىڭ كونتسەرتمەيسترى بولىپ ەڭبەك ەتتى. وسى وركەستر قۇرامىندا قازاقستان, رەسەي, اقش, فرانتسيا, گەرمانيا, قىتاي جانە ت.ب. ەلدەردىڭ قالالارىنداعى Kennedy Center (ۆاشينگتون, سشا), «كارنەگي حولل» (نيۋ-يورك, سشا), «كونتسەرتحاۋس» ( ۆەنا, اۆستريا), «Staats Oper unter den Linden» (بەرلين, گەرمانيا) سىندى الەمگە ايگىلى باسقا دا كوپتەگەن كونتسەرت زالدارىندا گاسترولدىك تۋرلاردا كونتسەرت قويعان دارىن يەسى. وسى ۇجىمداعى كوپ جىلدىق جانە جەمىستى ەڭبەگى ءۇشىن قر پرەزيدەنتىنىڭ قۇرمەت گراموتاسىمەن ماراپاتتالعان.
اككوردەون – كوپتەگەن ەلدەردە حالىق اسپابى بولىپ ەسەپتەلەدى. ونى گەرمانيا, فرانتسيا, سەربيا جانە بالقان تۇبەگى ەلدەرىندە ءتول اسپابىمىز دەپ قارايدى. ال رەسەيلىكتەر بۇل اسپاپتى جاقسى كورەتىنى سونشا, وعان اتى اڭىزعا اينالعان ورىستىڭ بايان جىرشىسىنىڭ اتىن بەرگەن. مۇحيتتىڭ ارعى بەتىندەگى اقش-تا دا اككوردەون كەڭىنەن تاراعان. جانە بۇل ەلدە تۇتاستاي تەك اككوردەونعا عانا ارنالعان بىرنەشە مۋزەي بار. ارگەنتينادا اككوردەونمەن ۇقساستىعى كوپ باندەون اسپابىنسىز بىردە-ءبىر حالىقتىق كونتسەرت وتپەيدى, لاتىن امەريكاسىندا پايدا بولىپ, الەمدىك قۇرمەتكە يە بولعان تانگو جانرى وسىناۋ نازدى دا جىلى ءارى قوڭىر اۋەزدى تەمبرمەن بايلانىستىرىلادى.
ء«ا. قاستەەۆ اتىنداعى مۋزەيدەگى كونتسەرتتە اككوردەون جاڭاشا, توسىن اۋەزدە ءۇن قاتادى – ەلىكتىرىپ, ەلىتىپ, سەزىم تولقىنىن تۋدىرادى. باعدارلاما رەپەرتۋارى كەڭ – فرانتسيا مەن لاتىن امەريكاسىنىڭ ايگىلى اۋەندەرى دە, يسپانيانىڭ دجاز ستاندارتتارى مەن قىزبا اۋەندەرى دە, پياتستسوللانىڭ تەرەڭ ويلى شىعارمالارىمەن بىرگە ونىڭ تانگو ستيلىندەگى شىعارمالارى دا ورىندالادى. اسەم كەش 2019 جىلدىڭ 4 ءساۋىر كۇنى 19.00-دە وتەدى», – دەيدى مۋزەيدىڭ ءباسپاسوز قىزمەتىنىڭ جەتەكشىسى كلارا يساباەۆا.
ارمان وكتيابر,
«ەگەمەن قازاقستان»
الماتى
