«التىن جەبە» اسكەري وقۋ-جاتتىعۋ ويىندارىنا قاتىسۋ ءۇشىن اۋەگە كوتەرىلگەن تىكۇشاق كەشە قىزىلوردا وبلىسىنىڭ اۋماعىندا اپاتقا ۇشىعاراعان بولاتىن. بۇگىن قازا بولعان 13 اسكەري قىزمەتشىنىڭ سەگىزى اقتاۋ قالاسىنداعى اسكەري بولىمدە قىزمەت ەتەتىن جەتىسۋلىق ازاماتتار ەكەنى بەلگىلى بولدى. الماتى وبلىسىنان اسكەرگە شاقىرىلىپ, ازاماتتىق بورىشىن وتەگەن مارقۇمداردىڭ ءتىزىمى تومەندەگىدەي:
مايور تيمۋر قۇدايبەرديەۆ, اقتاۋ قالاسىنداعى № 30153 اسكەري بولىمگە 2004 جىلى ەڭبەكشىقازاق اۋدانىنان شاقىرىلعان. ۇيلەنگەن 2 بالانىڭ اكەسى. مارقۇمنىڭ وتباسى تالعار اۋدانىننىڭ كەڭدالا اۋىلىندا تۇرادى. .
سەرجانت قايرات نۇرساپانوۆ,1993 جىلى الاكول اۋدانىنان اسكەرگە شاقىرىلعان. ۇيلەنگەن, 2 بالانىڭ اكەسى.
اعا سەرجانت مۇرات ءشارىپوۆ, اسكەر قاتارىنا 1997 جىلى الاكول اۋدانىنان شاقىرىلعان. مارقۇمنىڭ ارتىندا 4 بالاسى قالدى.
كىشى سەرجانت اسحات ابدۋلمانات, اسكەرگە 2010 جىلى تالدىقورعان قالاسىنان اتتانىپ, اقتاۋ قالاسىندا بورىشىن وتەپ ءجۇردى. وتباسىندا 3 بالانىڭ اكەسى ەدى.
ەفرەيتور ميراس جۇماتاەۆ, ميراس الماسوۆيچ, 2011 جىلى تالدىقورعان قالاسىنان اسكەرگە شاقىرىلىپ, اقتاۋداعى №30153 اسكەري بولىمدە قىزمەت ەتتى. ۇيلەنبەگەن.
ەفرەيتور قۋانىش سارقىتباەۆ, كەربۇلاق اۋدانىنىڭ تۋماسى, قۋانىش مەيرامعالي ۇلى, ءا/ب 30153 اقتاۋ قالاسى. 2007 جىلدان بەرى اقتاۋداعى №30153 اسكەري بولىمدە قىزمەت ەتىپ كەلدى. مارقۇمنىڭ ارتىندا 2 بالاسى قالدى.
ەفرەيتور ايدىن ابديلدينوۆ, تالدىقورعان قالاسىندا تۋىپ-وسكەن, 1999 جىلدان بەرى اسكەري قىزمەتكەر بولعان. ۇيلەنگەن, 2 بالانىڭ اكەسى.
لەيتەنانت اسلان ايتباەۆ , اسكەرگە ىلە اۋدانىنان شاقىرىلعان.
بۇگىن وقيعاعا وراي جەدەل كەڭەس وتكىزگەن الماتى وبلىسىنىڭ اكىمى اماندىق باتالوۆ قازا بولعانداردىڭ جاقىندارى مەن تۋعان-تۋىستارىنا كوڭىل ايتىپ, شەيىت كەتكەن ساربازداردىڭ وتباسىنا مەتەريالدىق كومەك كورسەتىلەتىنىن ايتتى. «مي-8» اسكەري تىكۇشاعى اپاتىنان قازا بولعان جەتىسۋلىق اسكەري قىزمەتشىلەردىڭ دەنەسى تۋىستارىنىڭ قالاۋىمەن تۋعان جەرىنە, ەرتەڭ جەر قوينىنا تاپسىرىلدى.
قالماحانبەت مۇقامەتقالي,
«Egemen Qazaqstan»
الماتى وبلىسى
