2017 جىلى وبلىس اكىمدىگى مەن حالىقارالىق ارالدى قۇتقارۋ قورى ۇيىمداستىرعان حالىقارالىق تۇراقتى دامۋ فورۋمىندا قوردىڭ قۇرىلعان كۇنىنە وراي 26-شى ناۋرىز - ارال كۇنى بولىپ قابىلدانعان بولاتىن. جيىندا حالىقارالىق قوردىڭ قىزىلوردا فيليالىنىڭ وكىلى يبراگيم اليەۆ الەمدىك پروبلەمانىڭ سالدارىن جويۋ جونىندەگى ورتالىق ازيا مەملەكەتتەرىنىڭ كۇش-جىگەرىن ۇيلەستىرۋدەگى ۇيىمنىڭ رولىنە ەرەكشە توقتالدى. قور جۇمىسىن باستاعالى بەرى ەكولوگيالىق تۇرعىدان ساۋىقتىرۋ جانە الەۋمەتتىك-ەكونوميكالىق تۇيتكىلدى تارقاتۋ باعىتىندا كوپتەگەن باعدارلاما جۇزەگە اسىرىلدى. قازاقستان دۇنيەجۇزىلىك بانكتىڭ قولداۋىمەن تەڭىزدىڭ سولتۇستىك بولىگىن قالپىنا كەلتىردى.
– ۇكىمەتتىڭ, حالىقارالىق ۇيىمداردىڭ, قارجى ۇيىمدارىنىڭ ارال ءوڭىرىنىڭ ەكولوگيالىق, الەۋمەتتىك ماسەلەلەرىن شەشۋگە ارنالعان ءتۇرلى جوبالارى مەن باعدارلامالارىن تۇگەل ءتىزىپ شىعۋ مۇمكىن ەمەس. جاعدايدى جاقسارتۋ ماقساتىندا قولعا العان شارالاردى ءالى دە جالعاستىرا بەرەمىز, – دەدى ي.اليەۆ.
سالتاناتتى جيىندا «اقمەشىت» فولكلورلىق ءانسامبلى, «تۇران» تريوسى جانە وزگە دە جەرگىلىكتى ونەرپازدار ارال تاقىرىبىنداعى ءان-جىرىمەن كوپشىلىككە شاشۋ شاشتى.
باقتيار تايجان,
«Egemen Qazaqstan»
قىزىلوردا وبلىسى
