«26 ناۋرىزدا ساعات 09.15-تە, نۇر-سۇلتان قالاسىنداعى ۇلى دالا داڭعىلى مەن قابانباي باتىر كوشەسىنىڭ قيىلىسىندا ءىرى جول-كولىك وقيعاسى بولدى. رەسمي دەرەكتەرگە سايكەس, بۇل اپاتتان 35 ادام زارداپ شەكتى, 2 ادام قازا بولدى, 23 ادام اۋرۋحاناعا جاتقىزىلدى جانە 17 ادام ءارتۇرلى دەڭگەيدە جاراقات العان.قولدانىستاعى زاڭناماعا سايكەس, جولاۋشىلار قوزعالىسىنىڭ قاۋىپسىزدىگى ءۇشىن كولىك قۇرالدارىن تەحنيكالىق بايقاۋدان ءوتىپ, جۇرگىزۋشى مەديتسينالىق تۇرعىدا تەكسەرىلەدى» دەلىنگەن ساۋالدا.
سونداي-اق دەپۋتات يندۋستريا جانە ينفراقۇرىلىمدىق دامۋ مينيسترلىگىنىڭ بۇيرىعىنا سايكەس, وپەراتورلاردىڭ تىزىلىمىنە ەنگىزىلگەن زاڭدى تۇلعالار نەمەسە جەكە كاسىپكەرلەر كولىكتى تەحنيكالىق بايقاۋدان وتكىزۋگە جاۋاپ بەرەدى دەپ اتاپ ءوتتى.
«دەنساۋلىق ساقتاۋ مينيسترلىگىنىڭ بۇيرىعىنا سايكەس, دارىگەرلىك تەكسەرۋلەرگە زاڭدى تۇلعالار نەمەسە جەكە كاسىپكەرلەر رەتىندە جالدانعان مەديتسينا قىزمەتكەرلەرى جاۋاپتى بولادى. جولاۋشىلار تاسىمالى كوپتەگەن ادامدارعا قاتىستى بولاتىنىن جانە قاۋىپسىزدىكتى تالاپ ەتەتىنىن ەسكەرە وتىرىپ, تەحنيكالىق جانە مەديتسينالىق تەكسەرۋدى جۇزەگە اسىراتىن زاڭدى تۇلعالار مەن جەكە كاسىپكەرلەردىڭ قىزمەتىنە باقىلاۋدى جانە جاۋاپكەرشىلىكتى كۇشەيتۋ ماسەلەسىن قاراۋ قاجەت دەپ ەسەپتەيمىن» دەلىنگەن دەپۋتات ساۋالىندا.
