بۇل تۋرالى «Astana Innovations» اق Facebook-تەگى رەسمي پاراقشاسىندا حابارلادى.
ء«بىزدىڭ اقىلدى اۋداندا ءۇش دوموفون ەندى تۇلعانى تاني الادى (Face Recognition). ەگەر ءسىز باراەۆ كوشەسىندەگى №12 ءۇيدىڭ تۇرعىنى بولساڭىز, دوموفوننىڭ ماگنيتتى كىلتىن ۇمىتىپ نەمەسە جوعالتىپ الساڭىز, وعان ەش قورىقپاۋعا بولادى», – دەلىنگەن كومپانيا حابارلاماسىندا.
جۇيە ءوزىنىڭ دەرەكتەر بازاسىنداعى اقپاراتپەن كەلگەن ادامدى اۆتوماتتى تۇردە سالىستىرادى جانە مۇندا سول ءۇيدىڭ تۇرعىندارىنا عانا كىرەبەرىس ەسىگىن اشادى. بازا ءار تۇرعىننىڭ جەكە كەلىسىمىمەن عانا تولىقتىرىلادى.
سونىمەن قاتار, دوموفون كىرۋ ەسىگىن بانكتىك كارتامەن نەمەسە جرت جول ءجۇرۋ كارتاسىمەن (مۇلدەم تەگىن), سونداي-اق ءموبيلدى قوسىمشانىڭ كومەگىمەن اشۋعا مۇمكىندىك بەرەدى.
قازاقستاندا مۇنداي تەحنولوگيا جوق.
«اقىلدى اۋدان» جوباسى ەلوردالىق «جاستار» شاعىن اۋدانىنىڭ بازاسىندا جۇزەگە اسىرىلۋدا.
ء«بىزدىڭ «اقىلدى اۋدان» جوباسى جەكە ينۆەستيتسيا ەسەبىنەن جۇزەگە اسىرىلۋدا. وسى جەردە تەستىلەنەتىن بارلىق شەشىمدەر, ەگەر ءوز تيىمدىلىگىن دالەلدەسە, قالانىڭ بار اۋماعىندا قولدانىلۋى مۇمكىن», – دەپ اتاپ ءوتتى «Astana Innovations» اق-دا.
