وسىمەن 20 مارتە ۇيىمداستىرىلعالى وتىرعان جاسوسپىرىمدەر اراسىنداعى ايتۋلى جارىس ارقىلى تالاي جاس ورەندەر ۇلكەن سپورتتاعى العاشقى قادامدارىن جاسادى. بۇل كۇندەرى ەلىمىزدىڭ بەلدى بالۋاندارىنا اينالىپ وتىرعان ساڭلاقتاردىڭ دەنى كەزىندە ءدال وسى تۋرنيردە باق سىناپ, شەبەرلىكتەرىن شىندادى. بيىلعى دودادا دا كورەرمەندەر رەسپۋبليكامىزدىڭ بارلىق ايماعىنان جينالعان تالاي دارىندى ۇلداردىڭ ونەرىنە ءتانتى بولادى دەپ ويلايمىز.
سەۋل مەن بارسەلونا وليمپياداسىنىڭ جۇلدەگەرى, الەم چەمپيونى, ەۋروپا مەن ازيا بىرىنشىلىكتەرى مەن ازيا ويىندارىنىڭ جەڭىمپازى, الەم كۋبوگىنىڭ ەكى دۇركىن يەگەرى, كسرو-نىڭ جەتى دۇركىن چەمپيونى, ازيا كۇرەس فەدەراتسياسىنىڭ پرەزيدەنتى, UWW بيۋرو مۇشەسى داۋلەت تۇرلىحانوۆتىڭ جۇلدەسى ءۇشىن وتەتىن وسى جارىستى تاماشالاۋعا ءوزىمىزدىڭ اتاقتى سپورتشىلارمەن قاتار شەت مەملەكەتتەن دە ايگىلى بالۋاندار كەلەدى دەپ كۇتىلۋدە.
عالىم سۇلەيمەن,
«Egemen Qazaqstan»
