قازاقستاننىڭ ەڭبەك ەرى تانىمال ۇستاز اياگۇل ميرازوۆا نۇرسۇلتان نازارباەۆقا حالىق قاھارمانى اتاعى مەن «التىن جۇلدىز» بەلگىسىنىڭ تابىستالۋىن مەملەكەت پەن حالىق قۇرمەتىنىڭ كورىنىسى رەتىندە باعالاپ, باس قالامىز استاناعا ەلباسىنىڭ ەسىمى بەرىلۋىن تاريحي ادىلەتتىلىكتىڭ سالتانات قۇرۋى دەپ اتاپ ءوتتى.
– ءوزىم كۋا بولعانداي, اسىرەسە, اسىرەسە ۇستازدار قاۋىمى ەلىمىزدە ىرىس پەن ىنتىماقتىڭ التىن بەسىگىنە اينالدىرعان تۇڭعىش پرەزيتەنتىمىز, ەلباسى ەسىمىنىڭ ۇلى دالا توسىندە ءوزى ورناتقان شاھارعا بەرىلۋىن وتە ورىندى شەشىم دەپ قۋانىشتارىن بىلدىرۋدە. شىنىندا دا باس قالامىزدى نۇر –سۇلتان دەپ اتاۋ جاراسىمدى,- دەدى اياگۇل ميرازوۆا.
الماتى قالالىق فيليال توراعاسىنىڭ ءبىرىنشى ورىنباسارى ستانيسلاۆ كانكۋروۆ مىڭ بوياۋلى قالانىڭ ەڭ ورتالىق كوشەنى «ن.نازارباەۆ داڭعىلى» دەپ بىلتىر اتاعانىن ەسكە الدى.
بۇل جيىندا قاتىسىپ, ءسوز سويلەگەن اقف ساياسي كەڭەسىنىڭ مۇشەسى بولات ەرجانوۆ, №102 ورتا مەكتەپتىڭ ديرەكتورى داناگۇل كەرجەكەەۆا, «الماتى اقشامى» گازەتىنىڭ باس رەداكتورى قالي سارسەنباي, «بولاشاق» قاۋىمداستىعىنىڭ قالالىق فيليالىنىڭ جەتەكشىسى قىمبات ابدىكەرىموۆا بەلگىلەنگەن ءىس-شارالاردىڭ بارلىعى پارتيا توراعاسى ن.ءا. نازارباەۆتىڭ جولداۋلارى مەن تاپسىرمالارى اياسىندا كەزەڭ-كەزەڭىمەن جۇزەگە اسىرىلا بەرەتىنىن مالىمدەدى.
فورۋم سوڭىندا مەملەكەت باسشىسىنىڭ استانانى نۇر-سۇلتان دەپ اتاۋ تۋرالى شەشىمىن قولداۋ تۋرالى ۇندەۋ قابىلدادى
ساپارباي پارمانقۇل,
«Egemen Qazaqstan»
الماتى
